3 qańtar. Tulǵalar týǵan kún
Búgin, 3 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1965) Qazaqstan halqy Assambleıasy Tóraǵasynyń orynbasary, Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi Marat Almasuly ÁZІLHANOV dúnıege kelgen.
Qyzylorda oblysynyń Qazaly qalasynda týǵan. Qaraǵandy memlekettik ýnıversıtetin emdeý isi (1988) mamandyǵy, QR Ulttyq qaýipsizdik komıtetiniń Akademııasyn quqyqtaný mamandyǵy boıynsha (2000) bitirgen.
Eńbek joly: 1988-1992 jyldary Qyzylorda qalasynda dáriger-hırýrg, 1992-2011 jyldary QR ulttyq qaýipsizdik organdarynda qyzmet atqardy, 2011-2013 jyldary QR Din isteri jónindegi agenttigi tóraǵasynyń orynbasary, 2013-2014 jyldary QR Din isteri jónindegi agenttiginiń tóraǵasy, 2014-2016 jyldary QR Mádenıet jáne sport vıtse-mınıstri, 2016-2018 jyldary QR Din isteri jáne azamattyq qoǵam mınıstrliginiń jaýapty hatshysy, 2018-2019 jyldary QR Qoǵamdyq damý mınıstrliginiń jaýapty hatshysy, 2019-2021 jyldary QR Aqparat jáne qoǵamdyq damý vıtse-mınıstri qyzmetin atqardy.
Qazirgi laýazymyn 2021 jylǵy sáýirden beri atqaryp keledi.
«Qurmet» ordenimen (2016); ІІІ dárejeli «Minsiz qyzmet úshin» (2003), ІІ dárejeli «Minsiz qyzmet úshin» (2007), «Jaýyngerlik erligi úshin» (2009), «Astananyń 10 jyldyǵy» (2008), «Qazaqstan Respýblıkasynyń Táýelsizdigine 20 jyl» (2011), «Qazaqstan Respýblıkasynyń Konstıtýtsııasyna 20 jyl» (2015), «Qazaqstan halqy Assambleıasyna 20 jyl» (2015), «Qazaqstan Respýblıkasynyń Táýelsizdigine 25 jyl» (2016) medaldarymen; QR Qurmet gramotasymen marapattalǵan (2001). Qazaqstan Respýblıkasy Prezıdentiniń Alǵys haty berilgen (2010).
54 jyl buryn (1972) Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Qaraǵandy oblysy boıynsha departamentiniń bastyǵy Aqmaral Bekesqyzy QDYROVA dúnıege keldi.
Almaty tehnologııalyq ýnıversıtetin (tehnologııa jáne tamaqtandyrýdy uıymdastyrý), D.A. Qonaev atyndaǵy ýnıversıtetti (quqyqtaný) bitirgen.
Eńbek joly: 1990-1999 jyldary Almaty qalasynyń «№170 bóbekjaı-baqshasy» MKQK tárbıeshisi, 2000 jyly Almaty qalasy prokýratýrasy janyndaǵy Quqyqtyq statıstıka jáne aqparat ortalyǵynyń jetekshi mamany, 2000-2003 jyldary Baǵdarlamalyq-tehnıkalyq qamtamasyz etý tobynyń prokýrory, Almaty qalasy prokýratýrasy janyndaǵy Quqyqtyq statıstıka jáne aqparat ortalyǵy krımınaldyq aqparat jáne muraǵat jumysy bóliminiń aǵa prokýrory, 2003 jyly Sot organdarynyń quqyqtyq statıstıkany qalyptastyrý jáne sharýashylyq júrgizýshi sýbektilerdiń qyzmetin tekserý bóliminiń aǵa prokýrory, 2003-2004 jyldary Qylmystylyq, aldyn ala tergeý, anyqtaý jáne prokýratýra organdarynyń jumysy týraly quqyqtyq statıstıkany qalyptastyrý bóliminiń bastyǵy, 2004-2006 jyldary Sot organdarynyń jáne prokýratýra organdarynyń quqyqtyq statıstıkany qalyptastyrý bóliminiń bastyǵy, 2007-2009 jyldary Quqyqtyq statıstıka jáne arnaıy esepke alý bóliminiń bastyǵy, 2009-2010 jyldary Arnaıy esepke alý bóliminiń bastyǵy, 2010 jyly Quqyqtyq statıstıka qalyptastyrý bóliminiń bastyǵy, 2011-2018 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Almaty qalasy boıynsha basqarmasy bastyǵynyń orynbasary, 2018-2025 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Almaty oblysy boıynsha departamentiniń bastyǵy bolyp qyzmet atqardy.
Qazirgi laýazymyn 2025 jyldan beri atqaryp keledi.
53 jyl buryn (1973) VIII saılanǵan Qazaqstan Respýblıkasy Parlamenti Májilisiniń depýtaty, áleýmettik-mádenı damý komıtetiniń hatshysy Nurgúl TAÝ dúnıege keldi.
1995 jyly Abaı atyndaǵy Almaty memlekettik ýnıversıtetin «Pedagogıka jáne bastaýysh oqytý ádistemesi» mamandyǵy boıynsha bitirgen. 2000 jyly Abaı atyndaǵy Almaty memlekettik ýnıversıtetin «Saıasattaný» mamandyǵy boıynsha bitirgen. 2011-2014 jyldary «Bolashaq» baǵdarlamasy boıynsha magıstratýrany bitirgen, mamandyǵy: Bilim salasyndaǵy basqarý (MA in Education, University of Sheffield, United Kingdom). 2021-2022 jyldary «Bolashaq» baǵdarlamasy boıynsha taǵylymdamadan ótken, mamandyǵy: Memlekettik basqarý (Internship program, Sol Price School of Public policy, University of Southern California, USA).
Eńbek jolyn Almaty qalasy, Qazaqstan-Reseı ınjenerlik-ekonomıkalyq kolledjiniń oqý bóliminiń ádiskeri, oqytýshysy retinde bastady. 2000-2002 jyldary Almaty qalasy, Qazaqstan-Reseı ınjenerlik-ekonomıkalyq kolledjiniń kadr bóliminiń ınspektory, 2006-2008 jyldary Almaty qalasy Bilim departamentiniń tárbıe jumysy bóliminiń bas mamany, 2008-2015 jyldary Almaty qalasy Bilim basqarmasynyń adamgershilik-rýhanı tárbıe jáne ózin-ózi taný bóliminiń bas mamany, 2015-2021 jyldary Almaty qalasy Bilim basqarmasynyń adamgershilik-rýhanı tárbıe jáne ózin-ózi taný bóliminiń basshysy qyzmetin atqardy. 2022-2023 jyldary Almaty qalasy Bilim basqarmasynyń tárbıe jáne mektepke deıingi bilim berý bóliminiń basshysy boldy.
Qazirgi qyzmetin 2023 jyldyń naýryz aıynan bastap atqaryp keledi.
46 jyl buryn (1980) Qazaqstan Respýblıkasy Bas prokýrorynyń orynbasary Ǵalymjan Mámbetuly QOIGELDIEV dúnıege keldi.
Jambyl oblysynda týǵan. Ál-Farabı atyndaǵy Qazaq ulttyq ýnıversıtetin halyqaralyq quqyq mamandyǵy boıynsha bitirgen.
Eńbek joly: 2002-2004 jyldary ál-Farabı atyndaǵy QazUÝ zań fakýltetiniń azamattyq jáne kásipkerlik quqyǵy kafedrasynyń oqytýshysy, 2004-2005 jyldary Syrtqy ister mınıstrligi HOZÝ konsýldyq qyzmet basqarmasynyń mamany, 2005-2006 jyldary attashe, QR Syrtqy ister mınıstrligi basqarmasynyń úshinshi hatshysy, 2006-2008 jyldary Qazaqstan Respýblıkasynyń Mońǵolııadaǵy Elshiliginiń ekinshi hatshysy, 2008-2011 jyldary Qazaqstan Respýblıkasynyń Pákistan Islam Respýblıkasyndaǵy Elshiliginiń ekinshi hatshysy, 2011-2017 jyldary QR Bas prokýratýrasynyń halyqaralyq yntymaqtastyq departamenti basshysynyń orynbasary, 2017-2022 jyldary QR Bas prokýratýrasynyń halyqaralyq yntymaqtastyq basqarmasynyń bastyǵy, 2022-2023 jyldary QR Bas Prokýratýrasynyń basshysy bolyp qyzmet atqarǵan.
2023 jyldyń qazan aıynan beri qazirgi qyzmetinde.