3 qańtar. Týǵan kún ıeleri
ESІMDER
119 jyl buryn (1900-1974) ǵalym, medıtsına ǵylymdarynyń doktory, professor, Qazaqstandaǵy ortopedııa-travmatologııa negizin salýshylardyń biri Grıgorıı Lvovıch EDELЬShTEIN dúnıege keldi.
Uly Otan soǵysyna qatysqan. Ýkraınanyń Dnepropetrovsk oblysynda týǵan. Reseıdegi Tomsk memlekettik ýnıversıtetin bitirgen. 1958 jyldan bastap Qazaqstanda turyp, Almaty memlekettik medıtsına ınstıtýtynyń kafedra meńgerýshisi, Qazaq KSR Densaýlyq saqtaý mınıstrliginiń bas travmatology bolǵan. 1964-1974 jyldary Almaty dárigerler bilimin jetildirý ınstıtýty travmatologııa jáne ortopedııa kafedrasynyń meńgerýshisi, ǵylymı keńesshisi qyzmetterin atqarǵan.
Negizgi ǵylymı eńbekteri súıek plastıkasy (óz súıegin ózine, sondaı-aq ózgeniń súıegin jamaý) máselelerine arnalǵan.
56 jyl buryn (1963) Qazaqstan Respýblıkasy Prezıdenti ákimshiliginiń quqyq qorǵaý júıesiniń bólim meńgerýshisi Alekseı Dmıtrıevıch KALAIChIDI dúnıege kelgen.
Ol Frýnze polıtehnıka ınstıtýtyn (1985); KSRO ІІM Joǵary kýrsyn (1990); E.A. Býketov atyndaǵy Qaraǵandy memlekettik ýnıversıtetin (2008) bitirgen.
Eńbek joly: Qyrǵyz KSR Toqmaq qalasy №93 arnaıy basqarmasynyń sheberi, Shymkent qalasyndaǵy memlekettik jobalaý ınstıtýtynyń ınjeneri (1985 jyldan); Shymkent oblysy Abaı AІІB qylmystardy izdeý jedel ókili (1990 jyldan); Ońtústik Qazaqstan oblysynda jáne ІІM ortalyq apparatynda ınspektor, bólim bastyǵy, basqarma bastyǵynyń orynbasary, basqarma bastyǵy; ІІM zań qyzmetin, sondaı-aq jeke quram jónindegi ınspektsııasyn basqarǵan (2005-2006); Jambyl oblystyq ІІD bastyǵynyń tárbıelik jáne kadrlarmen jumystar jónindegi orynbasary (2006-2008); QR Prezıdenti ákimshiliginiń quqyq qorǵaý júıesi bólim meńgerýshisiniń orynbasary (2008-2016).
Qazirgi laýazymyna 2016 jylǵy maýsymda kirisken.
«Qurmet» ordenimen (2012), 5 mereıtoılyq medalmen marapattalǵan.
54 jyl buryn (1965) Qazaqstan Respýblıkasy Din isteri jáne azamattyq qoǵam mınıstrliginiń jaýapty hatshysy Marat Almasuly ÁZІLHANOV dúnıege kelgen.
Qyzylorda oblysynyń Qazaly qalasynda týǵan. Qaraǵandy memlekettik ýnıversıtetin emdeý isi (1988) mamandyǵy, Qazaqstan Respýblıkasy Ulttyq qaýipsizdik komıtetiniń Akademııasyn quqyqtaný mamandyǵy boıynsha (2000) bitirgen.
Eńbek joly: Qyzylorda qalasynda dáriger-hırýrg, (1988-1992); Qazaqstan Respýblıkasy ulttyq qaýipsizdik organdarynda qyzmet atqardy (1992-2011); Qazaqstan Respýblıkasy Din isteri jónindegi agenttigi tóraǵasynyń orynbasary (2011-2013); Qazaqstan Respýblıkasy Din isteri jónindegi agenttiginiń tóraǵasy (2013-2014); Qazaqstan Respýblıkasy mádenıet jáne sport vıtse-mınıstri (2014-2016).
Qazirgi laýazymyn 2016 jylǵy qazannan beri atqaryp keledi.
«Qurmet» ordenimen (2016); ІІІ dárejeli «Minsiz qyzmet úshin» (2003), ІІ dárejeli «Minsiz qyzmet úshin» (2007), «Jaýyngerlik erligi úshin» (2009), «Astananyń 10 jyldyǵy» (2008), «Qazaqstan Respýblıkasynyń Táýelsizdigine 20 jyl» (2011), «Qazaqstan Respýblıkasynyń Konstıtýtsııasyna 20 jyl» (2015), «Qazaqstan halqy Assambleıasyna 20 jyl» (2015), «Qazaqstan Respýblıkasynyń Táýelsizdigine 25 jyl» (2016) medaldarymen; Qazaqstan Respýblıkasynyń Qurmet gramotasymen marapattalǵan (2001). Qazaqstan Respýblıkasy Prezıdentiniń Alǵys haty berilgen (2010).
49 jyl buryn (1970) Qaraǵandy oblysy Qazybek bı aýdanynyń ákimi Tatıana Nıkolaevna ShATOHINA dúnıege keldi.
Eki joǵarǵy bilimi bar: 1993 jyly E.A.Bóketov atyndaǵy Qaraǵandy memlekettik ýnıversıtetin, 1997 jyly Qazaqstan Respýblıkasy Prezıdenti janyndaǵy memlekettik basqarmanyń Ulttyq joǵarǵy mektebin támamdaǵan.
Eńbek jolyn 1987 jyly Qaraǵandy pedogogıkalyq ınstıtýty psıhologııa kafedrasynyń laboranty qyzmetinen bastaǵan.
1990-2002 jyldar aralyǵynda memlekettik qyzmette bolǵan. Kırov aýdanynda ıdolog-maman, áleýmettik qorǵaý boıynsha maman, ishki saıasat boıynsha bas maman, sodan soń osy aýdannyń mádenıet, sport dáne jastar isi jónindegi komıtet tóraǵasynyń orynbasary qyzmetterin atqarǵan. Lenın jáne Sovet aýdandary ákim apparatynyń áleýmettik jáne qoǵamdyq-saıası jumystary jónindegi bólimniń meńgerýshisi bolǵan.
2002-2005 jyldar aralyǵynda sanatyn joǵarylatý jáne oblystaǵy bilim qyzmetkerleri men memleket qyzmetkerlerin daıarlaıtyn oblystyq ınstıtýtynda aǵa oqytýshy, sodan soń memlekettik qyzmet basqarmasy kafedrasynyń prorektor-meńgerýshisi boldy.
2005 jyldan bastap «Memlekettik qyzmetkerlerdiń sanatyn joǵarylatý jáne aldyn ala daıarlaý aımaqtyq ortalyǵy» KMQK dırektory qyzmetin atqaryp keldi.
2013 jyly etnoaralyq birlik pen rýhanı kelisimniń nyǵaıýyna eleýli úles qosqany úshin Qazaqstan halyqtary Assambleıasynyń qurmet gramotasymen marapattaldy.
Qazirgi qyzmetin 2014 jyldyń qarasha aıynan beri atqaryp keledi.