3 qańtar respýblıkanyń kúni birqatar aımaqtarynda jel kúsheıip, burqasyn bolady
ASTANA. QazAqparat - 3 qańtar kúni Qazaqstannyń basym terrıtorııasynda atmosferalyq fronttardyń ótýine baılanysty turaqsyz aýa raıy saqtalady, keı jerlerde qar, burqasyn, tuman, kóktaıǵaq jáne jeldiń kúsheıýi kútiledi. Bul týraly Qazgıdromet habarlady.
Aqmola, Pavlodar oblystarynyń keı jerlerinde jeldiń 15-20 m/s kúsheıýi kútiledi. Jambyl, Qyzylorda oblystarynyń keı jerlerinde tuman, kóktaıǵaq, jel 15-20 kúsheıedi. Mańǵystaý, Atyraý, Batys Qazaqstan, Qaraǵandy oblystarynyń keı jerlerinde burqasyn bolyp, jel 15-20 m/s kúsheıedi, Mańǵystaý oblysynyń keı jerlerinde kóktaıǵaq bolady. Ońtústik Qazaqstan oblysynyń keı jerlerinde tuman túsip, jel 15-20, tańerten jáne kúndiz ekpini 23 m/s kúsheıedi. Almaty oblysynyń keı jerlerinde tuman kútilip, Jalańashkól aýdanynda jel 18-23 m/s bolady. Shyǵys Qazaqstan oblysynyń keı jerlerinde burqasyn, tuman bolyp, túnde jel 15-20 m/s kúsheıedi. Soltústik Qazaqstan oblysynyń keı jerlerinde tuman túsip, kúndiz jel 15-20 m/s kúsheıedi. Aqtóbe, Qostanaı oblystarynyń keı jerlerinde burqasyn soǵyp, túnde keı jerlerinde jel 15-20, kúndiz 15-20, ekpini 25 m/s kúsheıedi.
