3 bala terezeden qulap ketti - Qaraǵandy oblysy
QARAǴANDY. QazAqparat - Qaraǵandy oblysynda sońǵy úsh kún ishinde 3 bala terezeden qulap ketken. Bul týraly QazAqparat óńirlik TJD-ǵa silteme jasap habarlaıdy.
«1 shildede Qaraǵandyda 5-qabattyń terezesinen 4 jasar bala qulap ketip, qaza tapty. 30 maýsymda Abaı qalasynda 5-qabattaǵy páterdiń terezesinen bir jasar bala qulap, aýrýhanaǵa jetkizildi. 28 maýsymda Temirtaýda 6-qabattyń terezesinen 3 jasar bala qulap, aýrýhanaǵa tústi», - dep atap ótti TJD-nyń baspasóz qyzmeti.
Qutqarýshylar barlyq ata-analardy balalaryn qaraýsyz qaldyrmaýǵa jáne abaı bolýǵa shaqyrady.
«Kishkentaı sábı qaýip deńgeıin ózdiginen baǵalaı almaıdy, sondyqtan olardy bir sátke qaraýsyz qaldyrýdyń sońy qaıǵyly jaǵdaıǵa ákep soqtyrýy múmkin»,- delingen habarlamada.
