3 bala men er adamnyń ómirin qıdy: Qyzylordada kólik júrgizýshisine úkim shyqty
Jol-kólik oqıǵasy 2019 jyldyń 21 qarashasynda oblys ortalyǵynyń negizgi kósheleriniń birinde boldy. «Toyota Camry-30» markaly kólikti tizgindegen 20 jastaǵy qala turǵyny tańǵy saǵat 9.00 shamasynda jol erejesin buzyp, bir baǵytta kele jatqan «Mercedes-Benz S-140» kóligin soqty. Sodan keıin avtobýs aıaldamasynda turǵan adamdardy qaqty.
«Jol-kólik oqıǵasynan 55 jastaǵy er azamat, 7 jasar qyz bala jáne 9 jasar eki ul bala kóz jumdy. Al 31 jastaǵy azamatsha aýyr dene jaraqatyn aldy. Qyzylorda qalasy №2 sotynyń úkimimen jol apatyna sebepshi bolǵan azamat QR Qylmystyq kodeksiniń 345-baby 4-bóligimen kináli dep tanyldy. Ol 9 jylǵa bas bostandyǵynan aıyryldy, kólik quralyn 7 jylǵa deıin júrgize almaıdy. Jazasyn qylmystyq-atqarý júıesiniń qaýipsizdigi barynsha tómen mekemesinde óteıdi. Sot úkimi zańdy kúshine endi», - dedi Qyzylorda oblysy prokýrorynyń aǵa kómekshisi Saıa Temirbekova.