3 azamattyń ómirin qıǵan jol-kólik oqıǵasy tergelý ústinde
ASTANA. Qańtardyń 6-sy. QazAqparat /Marlan Jıembaı/ - Ótken jyly jeltoqsannyń 26-synda elordada iri jol-kólik apaty oryn alyp, úsh adam qaza tapqan bolatyn.
Osy oqıǵaǵa baılanysty Astana qalalyq ІІD-niń Memlekettik til jáne aqparat bóliminiń bastyǵy Nurdildá Oraz búgin atalǵan vedomstvoda ótken aptalyq brıfıngte málimet berdi.
Onyń aıtýynsha, «Cheremýshkı» saıajaı alabynan «Astana-Áýejaı» jolyna shyqqan «Daımler Kraısler» kóligi Qabanbaı dańǵylyna burylmaq bolǵan kezde «Leksýs LX-470» kóligimen soqtyǵysqan. Qatty soqqydan eki kólik te jol jıegine ushyp ketken. Jol-kólik oqıǵasynyń saldarynan «Daımler Kraısler» kóliginiń júrgizýshisi men onyń eki jolaýshysy sol jerde qaza tapqan.
«Oqıǵa ornynda qalalyq ІІD-niń, Jol polıtsııasy men Tergeý basqarmalarynyń basshylary, jedel tergeý toby boldy. Atalǵan is boıynsha tergeý jumystary júrgizilýde. Qazirgi ýaqytta kimniń kináli ekendigin anyqtaý maqsatynda trassologııalyq jáne basqa da saraptama jumystary júrgizilýde», deıdi N.Oraz.
Aldyn ala medıtsınalyq saraptama boıynsha «Leksýs LX-470» kóliginiń júrgizýshisiniń alkogoldi ishimdik ishpegendigi anyqtalyp otyr. Al kelesi kóliktiń júrgizýshisinen medıtsınalyq saraptamaǵa qan alynǵan. Eki kólik te ýaqytsha aıyp turaǵynda tur.
