3 áıeldi pyshaqtap óltirgen kúdikti áreketin túsindire almaı otyr
ALMATY. QazAqparat - Almatyda úsh áıeldi pyshaqtap óltirdi degen kúdikpen ustalǵan Zamaldın Paltýev qylmys jasaǵanyn moıyndady, istegen isine ókinedi. Bul týraly QazAqparat tilshisine Paltýevtyń qorǵaýshysy Din-Muhamed Narymbetov aıty.
Onyń aıtýynsha, 34 jastaǵy kúdikti óziniń qylmys jasaǵanyn moıyndady.
«Tergeý kezinde Paltýev úsh áıeldi óltirgenin tolyq moıyndap, istegenine ókinish bildirdi. Sottalýshy óziniń qandaı maqsatpen áreket etkenin ázirge túsindire almaı otyr. Japa shekkenderdiń týystarymen kelisý týraly áńgime múlde joq. Sebebi bul óte aýyr qylmys. Keshirim beretinine úmit joq» - dedi advokat.
Zamaldın Paltýev QR QK 5-baby boıynsha aıypqa tartylyp otyr. Onyń ishinde adam óltirý, tonaý, órteý qylmystary bar.
«Ol atalǵan kodekstiń 4-baby boıynsha óz kinásin moıyndap otyr. Bir bap boıynsha kelispeýshiligi bar. ıAǵnı, QR QK 99-baby - adam óltirý boıynsha ǵana ómir boıy bas bostandyǵynan aırylý jazasy qarastyrylǵan», - dedi ol.
Aıta ketý kerek, sot medıtsınalyq saraptama nátıjesinde Paltýevtyń psıhıkalyq densaýlyǵynda aýytqý joq ekendigi anyqtaldy.
«Qylmys jasaý kezinde ol mas bolǵan. Biraq, birqatar BAQ-ta habarlaǵandaı, áıelderdiń ishki organdary oıylyp alynbaǵan. Men tergeý materıaldarymen tanysyp shyqtym. Onda tek pyshaq suǵylǵan kesilgen jaralary týraly ǵana aqparat bar. Áıelderdiń deneleri bólshektenbegen», - dedi qorǵaýshy.
Eske sala ketsek, jantúrshigerlik qylmys Almatyda byltyr jeltoqsannyń 1-nen 2-sine qaraǵan túni bolǵan.
foto:progomel.by
