3 aqpanda Qazaqstannyń batysynda burqasyndy bolady
ASTANA. QazAqparat - 3 aqpanda Qazaqstannyń búkil aýmaǵy burynǵysha antıtsıklon yqpalynda bolyp, aýa raıy ashyq bolady, keıbir aýdandarda jeldiń 15-22 m/s-qa deıin kúsheıýi baıqalady, tuman túsedi, dep habarlady «Qazgıdromet» RMK.
Respýblıkanyń batysynda ǵana atmosferalyq aǵyndardyń ótýimen keı jerlerde jaýyn-shashyn bolyp, burqasyndatady, jeldiń kúshi 15-202 m/s-qa jetedi.
Almaty oblysynda túnde taýly aýdandarda tuman túsýi kútiledi, Jalańashkól aýdanynda jeldiń 15-20 m/s-qa deıin kúsheıýi saqtalady, uıtqýy 25 m/s-qa deıin jetedi.
Jambyl oblysynda keı jerlerde tuman túsedi, kúndiz jeldiń ekpini 15-20 m/s-qa jetedi.
Ońtústik Qazaqstan, Shyǵys Qazaqstan, túnde Qostanaı, túnde jáne tańerteń Soltústik Qazaqstan oblystarynda keı jerlerde tuman túsedi.
Mańǵystaý aýdanynda keı jerlerde jeldiń kúshi 17-22 m/s-qa deıin kúsheıip, kúndiz keı jerlerde tuman túsedi.
Atyraý oblysynda jeldiń kúshi 17-22 m/s-qa deıin jetedi.
Batys Qazaqstan oblysynda keı jerlerde burqasyndatyp, kóktaıǵaq bolady, jeldiń kúshi 15-20 m/s.
Aqtóbe oblysynda keı jerlerde jaıaý borasyn bolady, jeldiń kúshi 15-20 m/s.
