3 aqpanda eldegi qaı joldarda qozǵalys tártibi ózgerdi
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, Aqmola oblysynda aýa-raıynyń nasharlaýyna baılanysty, atap aıtqanda «KAZ02 Astana – Kókshetaý (aınalma jolmen) – Petropavl – RF (jańa Jol ó/p)» avtojolynyń 18-232-shaqyrymynda kóliktiń barlyq túri úshin jyldamdyq rejımi 140 shaq/ saǵ-tan 110 shaq/saǵ-qa ózgerdi.
Jabyq joldar
Qaraǵandy oblysy
• «Astana – Qaraǵandy – Almaty» avtojolynyń 592-750-shaqyrymy, Balqash qalasy – Jambyl oblysy shekarasynda avtokóliktiń barlyq túri úshin qozǵalysqa shekteý engizildi.
Pavlodar oblysy
* «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.
Shyǵys Qazaqstan oblysy
* Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.
Eske salaıyq, sınoptıkter 3 aqpanda Qazaqstannyń 15 oblysynda daýyldy eskertý jarııalady.