3 aqpan. Týǵan kún ıeleri
ESІMDER
65 jyl buryn (1954) estrada ánshisi, Qazaqstannyń halyq ártisi Naǵıma Qabylqyzy ESQALIEVA dúnıege keldi.
Almaty oblysynyń Jambyl aýdanynda týǵan. Respýblıkalyq estrada-tsırk óneri stýdııasyn, Almaty mýzykalyq ýchılışesin bitirgen. 1977-1985 jyldary «Qazaqkontsert» janyndaǵy mýzykalyq ansamblder birlestiginiń, «Gúlder» ansambliniń ánshisi bolǵan. 1985 jyldan Almaty oblystyq fılarmonııasy estradalyq trýppasynyń jetekshisi qyzmetin atqarǵan. Qazirgi ýaqytta T.Júrgenov atyndaǵy Óner akademııasynda oqytýshylyqpen aınalysady. Gastroldik saparmen TMD, Germanııa, Mońǵolııa, Danııa, t.b. elderde boldy. Ol Halyqaralyq estrada ánshileriniń «Altyn Orfeı» baıqaýynyń, Qazaqstan Komsomol syılyǵynyń laýreaty atanǵan.
58 jyl buryn (1961-2018) belgili kompozıtor Álibı Ázerbaıjanuly MAMBETOV dúnıege keldi.
1984 jyly professor Ǵazıza Jubanovanyń «mýzyka kompozıtsııasy» klasy boıynsha Qurmanǵazy atyndaǵy Almaty memlekettik konservatorııasyn bitirgen. 1999 jyldan T. Júrgenov atyndaǵy Óner akademııasynda sabaq bergen. , QR Ortalyq memlekettik murajaıyna qarasty Ǵazıza jáne Ahmet Jubanovtardyń shyǵarmashylyǵyn zertteý ortalyǵynyń basshysy boldy.
56 jyl buryn (1963) Aqmola oblysy ákiminiń óndiris salasy máseleleri jónindegi orynbasary Vasılıı Leonıdovıch KRYLOV dúnıege kelgen.
Ol Perm oblysynyń (RSFSR) Kýngýr qalasynda týǵan. Perm memlekettik pedagogıkalyq ınstıtýtyn, Qazaq memlekettik basqarý akademııasynyń janyndaǵy naryq ınstıtýtyn, S.Seıfýllın atyndaǵy Qazaq agrotehnıkalyq ýnıversıtetin bitirgen. Ekonomıka ǵylymdarynyń kandıdaty.
Ár jyldary Atyraý oblysy ákimi apparatynyń sharýashylyq basqarmasynyń dırektory, QR Prezıdentiniń Is basqarmasy «Qaraótkel» RMM dırektorynyń orynbasary, Astana qalasy «Zelenstroı» MKM kommýnaldyq sharýashylyq departamenti dırektorynyń orynbasary, dırektory bolyp jumys istedi.
2005 jylǵy qańtar men 2007 jylǵy qarasha aralyǵynda Almaty qalasy Medeý aýdanynyń ákimi, keıin 2008 jylǵy sáýirge deıin Almaty qalasy ákiminiń orynbasary bolyp qyzmet atqardy. 2008 jylǵy sáýir men 2014 jylǵy qarasha aralyǵynda - Astana qalasy ákiminiń orynbasary. 2014-2017 jyldary QR Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.
Qazirgi laýazymyn 2017 jylǵy maýsymnan beri atqaryp keledi.
42 jyl buryn (1977) Qazaqstan Respýblıkasy Aqparat jáne kommýnıkatsııalar mınıstrligi Aqparat komıteti tóraǵasynyń orynbasary Mıhaıl Aleksandrovıch KOMISSAROV dúnıege keldi.
1999 jyly Ulttyq qaýipsizdik komıtetiniń akademııasyn «quqyqtaný» mamandyǵy boıynsha támamdaǵan. 2003 jyly L.N. Gýmılev atyndaǵy Eýrazııa ulttyq Ýnıversıtetti «Qarjy jáne nesıe» mamandyǵy boıynsha támamdaǵan.
1999-2014 jyldary ulttyq qaýipsizdik organdarynyń aqparattyq taldaý bólimshelerinde túrli laýazymda qyzmet etti. 2014 jyly Qazaqstan Respýblıkasy Aqparat jáne baılanys agenttiginiń Aqparattyq keńistikti monıtorıngteý departamentiniń dırektory laýazymyna taǵaıyndaldy. 2014-2015 jyldary Qazaqstan Respýblıkasy Investıtsııalar jáne damý mınıstrliginiń Baılanys, aqparattandyrý jáne aqparat komıteti monıtorıng basqarmasynyń basshysy. 2015-2016 jyldary Qazaqstan Respýblıkasy Aqparat jáne kommýnıkatsııalar mınıstrliginiń «Taldaý jáne aqparat ortalyǵy» RMK dırektorynyń orynbasary. 2017 jyldyń 10 qantardan Qazaqstan Respýblıkasy Aqparat jáne kommýnıkatsııalar mınıstrliginiń Baılanys, aqparattandyrý jáne BAQ salasyndaǵy memlekettik baqylaý komıteti tóraǵasynyń orynbasary laýazymyna taǵaıyndaldy.
39 jyl buryn (1980) Qazaqstan Ekologııalyq uıymdary qaýymdastynyń prezıdıým tóraǵasy Álııa Nursultanqyzy NAZARBAEVA dúnıege kelgen.
Almaty qalasynda týǵan. Fortepıano synyby boıynsha Kúlásh Báıseıitova atyndaǵy respýblıkalyq mýzyka mektebin, London túbindegi Rıchmond ýnıversıtetiniń halyqaralyq quqyq fakýltetin, Vashıngtondaǵy ýnıversıtettiń halyqaralyq quqyq fakýltetin, zańger mamandyǵy boıynsha Qazaq memlekettik zań akademııasyn támamdaǵan.
Eńbek joly: «Eýropa plıýs» radıosy dırektorynyń kómekshisi, «TuranÁlem» bankiniń zań departamentinde synaq merziminen ótýshi, Qazaqstan Prezıdenti Ákimshiliginiń jalpy bólim keńesshisi, «Almatyfarm» korporatsııasynyń prezıdenti, «Caspian Indutries Ltd» JShS-niń bas dırektory, «Elıtstroı» JShS dırektorlar keńesiniń tóraıymy qyzmetterin atqardy.
Qazirgi laýazymyn 2017 jylǵy qarashadan beri atqaryp keledi.