3 adamnyń qazasyna ákelgen jol apatyn Almaty polıtsııasy tekserip jatyr
ALMATY. QazAqparat - Almatyda jantúrshigerlik jol apatynyń mán-jaıyn polıtsııa anyqtap jatyr, dep habarlaıdy QazAqparat tilshisi.
Jol apaty keshe túnde boldy. Rysqulov kóshesimen ońtústikke bet alǵan Mercedes-Benz qarama qarsy kele jatqan Toyota Ipsum kóligimen soqtyǵysqan.
Saldarynan Toyota Ipsum kóliginiń eki jolýshysy, Mercedes-Benz júrgizýshisi oqıǵa bolǵan jerde qaza tapty.
Al, 24 jastaǵy mınıven júrgizýshisi №7 qalalyq klınıkalyq aýrýhanaǵa jetkizildi.
«Qazirgi tańda QR QK 345 babynyń 4-bólimi boıynsha sotqa deıingi tergeý jumystary bastaldy. Tergeý barysynda birqatar saraptama taǵaıyndalady», - dedi qalalyq ІІD basqarma basshysy Rýstam Abdrahmanov.
Polıtsııanyń habarlaýynsha, jol apatyna 34 jastaǵy Mercedes-Benz júrgizýshisi kináli bolýy múmkin.
Ol baǵdarshamnyń qyzyl túsine qaramastan ótip ketken.
