3 adamdy qaǵyp óltirgen qostanaılyq sotta jaýap beredi
QOSTANAI. QazAqparat - Jitiqara aýdanynda jaıaý júrginshilerdi qaqqan 23 jastaǵy turǵynǵa qatysty qylmystyq is sottyń qaralýyna tústi, dep habarlaıdy QazAqparat tilshisi.
Іs materıaldaryna súıensek, 14 qazanda saǵat 01.30 shamasynda Jitiqarada mas kúıde bolǵan S. «Lada 21723» markaly avtokóligin basqarǵan.
««Azamat S. sol ýaqytta Sh.Ýalıhanov kóshesi boıynda «Munaı» janar-jaǵarmaı stansasyna baǵyt alyp, kólik jyldamdyǵyn shamadan asyrady. Nátıjesinde joldan ótpek bolǵan jergilikti jedel járdem qyzmetkerleri 37 jastaǵy B., 56 jastaǵy Sh. jáne 52 jastaǵy M-ny qaǵyp, oqıǵa ornynan qashyp ketken. Keıin ony polıtseıler qolǵa túsirdi», -delingen oblystyq sottyń habarlamasynda.
Jol-kólik oqıǵasy saldarynan alǵan jaraqattan úsh adam Jitiqara aýdandyq ortalyq aýrýhanasynyń jansaqtaý bóliminde kóz jumdy.
QR QK 345-baby 4-bóligi, 347-baby boıynsha aıyptalyp otyrǵan 23 jastaǵy er adamǵa qatysty qylmystyq istiń qaralýy bastaldy.
