3-8 tamyz aralyǵynda Astanada toǵyzqumalaqtan álem chempıonaty ótedi
QR Mádenıet jáne sport mınıstrligi Sport jáne deneshynyqtyrý isteri komıtetinen habarlaǵandaı, álem chempıonatyn Dúnıejúzilik toǵyzqumalaq federatsııasy men QR Mádenıet jáne sport mınıstrligi, Actana qalasynyń ákimdigi uıymdastyryp otyr.
«3-8 tamyz aralyǵynda ótetin chempıonatqa álemniń 25 elinen, atap aıtqanda AQSh, Avstrııa, Aýǵanstan, Antıgýa jáne Barbýda, Ázerbaıjan, Ulybrıtanııa, Germanııa, Grýzııa, Úndistan, Kamerýn, Kolýmbııa, Qazaqstan, Qyrǵyzstan, Qytaı, Monǵolııa, Ózbekstan, Polsha, Reseı, Sırııa, Tájikstan, Túrkııa, Túrikmenstan, Ýkraına, Chehııa, Shveıtsarııa elderinen sportshylar qatysady», - dep habarlaıdy vedomstvodan.
Álem chempıonatyna 70-ten astam sportshysy ózara baq synaspaq. Saıys Astana qalasynyń Táýelsizdik - Momyshuly kósheleriniń qıylysyndaǵy «IBIS» qonaq úıinde ótedi.