3,7 mln. dollardyń kartınasy qoqysqa ketti
ASTANA. QazAqparat - Gonkongte qonaqúıdiń jınaýshylary belgili qytaılyq sýretshi Tsýı Jýchjonyń kartınasyn qoqysqa laqtyryp jibergen. «Qar basqan taýlar» atty kartına sodan bir kún buryn bássaýdadan 3,7 mln. dollarǵa satylyp alynǵan bolatyn, dep jazady Dnı rý.
Kútpegen oqıǵa bedeldi Grand Hyatt atty besjuldyzdy qonaqúıde oryn alǵan. «Qar basqan taýlar» kartınasy jańa qojaıynnyń toptamasynyń sánine aınalmaı jatyp, qoqystan biraq shyqty.
Qonaqúıdegi beınebaqylaý kameralary bólme jınaýshy jumyskerdiń kelip, kartına salynǵan qutyny alyp qoqysqa salyp alyp ketkenin baqylaǵan. Odan soń kartına qoqysqa ketken. Oqıǵa ornyna kelgen polıtseıler qundy jádigerdi sol kúıi taba almady.
Jalpy, sýretshi Tsýı Jýchkonyń kartınalary zor suranysqa ıe ári qymbat baǵaǵa satylady. Kúni burynǵy básaýdada qytaılyq sýretshiniń taǵy bir «Qarly peızaj» atty karrınasy 23,8 mln.dollarǵa satylǵan bolatyn.
