3-4 qarashada elordadaǵy Malahov kóshesi jabyq bolady
ASTANA. QazAqparat - Qala kóshelerinde keptelisterdi boldyrmaý maqsatynda Astana qalasynyń ІІD elorda turǵyndary men qonaqtarynan baǵyttaryn aldyn ala josparlaýdy suraıdy, dep habarlaıdy Astana ákimdiginiń medıa ortalyǵy.
Astana qalasy ІІD-niń baspasóz qyzmetiniń habarlaýynsha, Malahov kóshesindegi ótkelde temirjol tósemin jóndeý jáne qaıta qalpyna keltirý jumystary júrip jatyr. Osyǵan baılanysty Sýsamyr jáne Jetisaı kósheleriniń aralyǵynda jatqan Malahov kóshesinde qozǵalys 3 qarashada saǵat 20:00-de tolyqtaı shekteledi. Qozǵalys 4 qarashada saǵat 06:00-de ashylatyn bolady.
«Jabylǵan jol ýchaskesin aınalyp ótý úshin Jańajol, Óndiris kóshelerimen nemese Soltústik aınalma jolmen júrýǵa bolady», - dep jazylǵan baspasóz qyzmetiniń habarlamasynda.
