3×3 teńdeýi oryndalmasa, turǵyn úıdiń qurylysyn Kepildik berý qory aıaqtaıdy
ASTANA. QazAqparat - Qazaqstanda qabyldanǵan "Turǵyn úı qurylysyna úlestik qatysý týraly" Zańǵa səıkes, úleskerlerdiń aqshasyn jumyldyrǵan kompanııa úı qurylysyn ýaqytynda aıaqtamasa, buǵan "Turǵyn úı qurylysyna kepildik berý qory" jaýapty bolady.
Bul týraly búgin Ortalyq kommýnıkatsııalar qyzmetinde ótken brıfıng barysynda "Turǵyn úı qurylysyna kepildik berý qory" AQ tóraǵasy Dáýren Ońaev məlim etti, dep habarlaıdy QazAqparat.
"2016 jyldyń 7 sáýirinde Memleket basshysy "Turǵyn úı qurylysyna úlestik qatysý týraly" zańǵa qol qoıdy. Jýyqta, 10 qazannan bastap Zań qoldanysqa engizildi. Endi bir jarym aı ýaqyt ótken soń atalmysh kepildik berý tetigi boıynsha osy ýaqyt ishinde oryn alǵan negizgi oqıǵalar men bizdiń bolashaq josparlarymyz týraly aıtýǵa keldik",-degen qor basshysy, Zańnyń birqatar tetikterin, ózi basqaryp otyrǵan qordyń mindettemelerin məlim etti.
Jalpy, zańda úleskerlerdiń aqshalaryn tartýdyń úsh ədisi kózdelgen. Eń birinshiden, «Turǵyn úı qurylysyna kepildik berý qorynyń» kepildigin alǵannan keıin ekinshi deńgeıli banktiń jobaǵa qatysýy arqyly turǵyn úıdiń qańqasy turǵyzylǵannan keıin úleskerdiń aqshasyn tarta alady. Sondaı-aq, úleskerdiń aqshasyn tartqysy kelgen kompanııa Astana men Almaty qalalarynda keminde úsh jyl ishinde jalpy aýdany 18 myń sharshy metr nemese basqa óńirlerde 9 myń sharshy metr turǵyn úıdi satyp qoıǵan bolý kerek. Əıtpengende, qor ol kompanııaǵa kepildik bermeıdi.
"Turǵyn úı qurylysyna úlestik qatysý týraly" Zańnyń taǵy bir tetigi - 3×3 teńdeýi eken.
"ıAǵnı, bizden kepildik alǵan qurylys kompanııasy qurylysty ýaqytynda aıaqtamaı jatsa, oǵan alǵashqyda úsh aı beriledi. Ol ýaqytta aıaqtamasa, taǵy úsh aı, ony aıaqtaı almasa, taǵy úsh aı ýaqyt beriledi. Eger osy toǵyz aıda qurylysty aıaqtaı almasa, bizdiń qor jaýapkershilikti óz moınyna alyp, qurylysty aıaqtaýǵa mindetteledi", - dep túsindirdi D.Ońaev.
