295 jolaýshysy ajal qushqan «Sevol» kemesi sý túbinen kóterildi
ASTANA. QazAqparat - 2014 jyldyń sáýirinde Ońtústik Koreıada sý túbine ketken "Sevol" kemesi eldiń ońtústik-batysyndaǵy Mokpo portyna ákelindi, dep jazady Bı-bı-sı.
Bılik ókilderi áli kúnge deıin denesi tabylmaǵan jolaýshylardyń múrdesi kemede bolýy múmkin degen úmitte.
Sý syıymdylyǵy 7 tonnaǵa jetetin keme 40 metr tereńdikte jatqan. Ony sý túbinen kóterý jumystary ótken jyly jazda bastalǵan.
25 naýryz kúni «Sevol» alyp júk kemesine tıelgen bolatyn. Endi ol qurǵaq dokqa jetkiziledi jáne mamandar apattyń neden bolǵanyn zerttep, adam múrdelerin izdeıtin bolady.
"Sevol" paromy 2014 jyly 16 sáýirde sýǵa ketken edi. Onda 476 jolaýshy bolǵan. Onyń 295-i ajal qushty. Marqum bolǵandardyń kóbi saıahatqa shyqqan mektep oqýshylary edi. Onda bolǵan 9 adamnyń denesi áli kúnge deıin tabylǵan joq.
