294 páter urysy ustaldy - ІІM
«Mamyrdyń 19-21 kúnderi aralyǵynda elimizde «Páter» shartty ataýymen keń aýqymdy is-shara uıymdastyryldy. Іs-sharany ótkizýge krımınaldyq jáne ákimshilik polıtsııa qyzmetkerleri jumyldyrylyp, olar atalǵan kezeńde 238 páter urlyǵyn ashty. Qylmystyq jaýapkershilikke 294 páter urysy, onyń ishinde 22 top tartyldy», - dedi ol Іshki ister mınıstrliginiń baspasóz qyzmeti alańynda ótken brıfıng barysynda.
Onyń atap ótýinshe, urlanǵan zattar satylatyn 1 500-den astam oryn tekserildi. Buǵan deıin páter urlyǵy úshin izdeýde júrgen 8 qylmysker, 67 kúdikti ustaldy. Máselen, Qostanaı qalasynda buǵan deıin isti bolǵan 2 jergilikti turǵyn qolǵa tústi. Olar plastık terezelerdi buzý arqyly 4 páterdi tonaǵany anyqtalyp otyr.
«Kúdiktiler keltirgen shyǵyn 1,5 mln teńgeden asyp túsedi. Sonymen qatar olardyń urlanǵan altyn buıymdardy lombardtar arqyly birden satyp jibergeni anyqtaldy», - dedi Qanat Nurmaǵambetov.