292 aýylda eski medıtsınalyq nysandar jańartyldy

ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynda «Aýyldaǵy densaýlyq saqtaý júıesin jańǵyrtý» ulttyq pılottyq jobasy qalaı iske asyp jatqanyn baıandady.

Joba aıasynda aýyldyq eldi mekenderde 655 medıtsınalyq-sanıtarııalyq alǵashqy kómek kórsetý uıymyn ashý josparlanǵan bolatyn.

- Búginde 467 nysannyń qurylysy tolyq aıaqtaldy. Aıta ketý kerek, 175 nysan buryn medıtsınalyq ǵımaratpen qamtylmaǵan aýyldarda, al 292 nysan eskirgen jáne beıimdelgen úı-jaılardyń ornyna salyndy, - dedi ol.

Aıtýynsha, atalǵan nysandar ashylǵan soń 80 myńnan astam azamat qosymsha medıtsınalyq kómekke qol jetkizgen.

- Bul sharalar aýyl turǵyndary úshin qosymsha 456 kúndizgi statsıonar tósek oryndaryn ornalastyrýǵa múmkindik berdi. Sonymen qatar aýyl turǵyndary úshin 174 medıtsına qyzmetkeri daıyndalyp, eldi mekenderde qyzmet kórsetýge jiberildi, - dedi mınıstr.

Buǵan deıin Pavlodar aýyldarynda qaıtarylǵan aktıvter esebinen ambýlatorııalar salynatynyn jazǵan edik.