29 jeltoqsanda respýblıkanyń basym bóliginde temperatýra tómendeıdi dep kútilýde
ASTANA. QazAqparat - Qazaqstan aýmaǵynyń basym bóligi joǵary qysym yqpalynda bolady. Jaýyn-shashynsyz bolǵanmen, temperatýra tómendeıdi. Tek shyǵys pen batysta frontaldyq aǵyndardyń ótýine baılanysty aýa raıynyń turaqsyzdyǵy saqtalady, jaýyn-shashyndy bolyp, qalyń qar jaýyp, tuman túsedi dep kútilýde, kóktaıǵaq oryn alyp, burqasyndatyp, jel kúsheımek.
Bul týraly Qazgıdromet habarlady.
Shyǵys Qazaqstan oblysynda jel 15-20 kúsheıip, ekpini 25-28 m/s-qa jetedi. Kúndiz jer-jerlerde jel 15-20 m/s-qa jetip, keıbir aýdandarda boran soǵyp, kóktaıǵaq bolady.
Jambyl, Qostanaı, Soltústik Qazaqstan oblystarynyń keı aımaqtarynda tuman túsip, jel 15-20 m/s-qa jetedi, Soltústik Qazaqstan oblysynda túnde jáne tańerteń boran bolady.
Qyzylorda oblysynda, Aqtóbe oblysynda kúndiz keıbir óńirlerde jel 15-20 m/s-qa kúsheıedi.
Pavlodar, Aqmola oblystarynda túnde jáne tańerteń jer-jerlerde jel 15-20 m/s-qa kúsheıip, arty boranǵa ulasady. Aqmola oblysynyń keı jerlerinde tuman basady.
Qaraǵandy oblysynda túnde keı aýdandarda tuman túsip, 15-20 m/s jel soǵady.
Atyraýda, Batys Qazaqstan oblysynda túngi ýaqyttarda keı óńirlerinde kóktaıǵaq bolyp, jel 15-20 m/s-qa jetedi.
Almaty oblysy Jalańashkól aýdanynda jel 20-25 m/s-qa kúsheıedi.
Ońtústik Qazaqstan, Mańǵystaý oblystarynda jer-jerlerde tuman túsedi dep kútilýde.
