29 jeltoqsanda eldegi qaı joldar jabyq tur
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, 2025 jylǵy 29 jeltoqsan saǵat 08:00–den bastap respýblıkalyq mańyzy bar kelesi avtojol ýchaskelerinde kóliktiń barlyq túri úshin qozǵalys ashyldy:
Atyraý oblysy
• «Aqtóbe — Qandyaǵash — Dossor — Atyraý — RF shekarasy» avtojolynyń 337-shaqyrymy (Aqtóbe oblysynyń shekarasy).
Aqtóbe oblysy
• «Qostanaı — Rýdnyı — Denısovka — Komsomolskoe — Qarabutaq» avtojolynyń 5-234-shaqyrymy (Qarabutaq kenti — Qostanaı oblysynyń shekarasy).
Qostanaı oblysy
• «Qostanaı — Rýdnyı — Denısovka — Komsomolskoe — Qarabutaq» avtojolynyń 234-310-shaqyrymy (Aqtóbe oblysynyń shekarasy — Adaevka aýyly).
Júk kólikteri qozǵalysyn shekteý
Aýa raıynyń qolaısyzdyǵyna baılanysty respýblıkalyq mańyzy bar kelesi avtojol ýchaskelerinde júk jáne qoǵamdyq kólik qozǵalysyna shekteý qoıyldy:
Aqtóbe oblysy
• «Aqtóbe — Qandyaǵash — Dossor — Atyraý — RF shekarasy» avtojolynyń 104-337-shaqyrymy (Qandyaǵash qalasy — Atyraý oblysynyń shekarasy);
• «RF shekarasy — Martýk — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776-1240-shaqyrymy (ECO Oil janarmaı quıý beketi — Qyzylorda oblysynyń shekarasy).
Qyzylorda oblysy
• «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1240-1362-shaqyrymy (Aqtóbe oblysynyń shekarasy — Aral qalasy).
Sondaı-aq tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.
Jabyq joldar
Aýa raıynyń nasharlaýyna baılanysty respýblıkalyq mańyzy bar kelesi avtojol ýchaskelerinde kóliktiń barlyq túri úshin qozǵalys jabyldy:
Atyraý oblysy
• «Dossor — Qulsary — Beıneý — Saıótes — Shetpe — Jetibaı — Aqtaý» avtojolynyń 130-210-shaqyrymy (Qulsary kenti — Mańǵystaý oblysynyń shekarasy).
Mańǵystaý oblysy
• osy avtojoldyń 210-632-shaqyrymy (Atyraý oblysynyń shekarasy — Shetpe aýyly).
Jetisý oblysy
• «Úsharal — Dostyq» avtojolynyń 84-164-shaqyrymy (Kóktýma kenti — Dostyq stantsııasy).
Al Pavlodar oblysynda «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.
Eske salaıyq, buǵan deıin sınoptıkter Qazaqstannyń barlyq óńirinde aýa raıyna baılanysty eskertý jasaǵan edi.