29 tamyz kúni birqatar óńirde nóser jańbyr jaýyp, jel kúsheıedi
NUR-SULTAN. QazAqparat - Sınoptıkter 29 tamyzǵa arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Respýblıkanyń basym bóligi tsıklonnyń jáne sonymen baılanysty fronttardyń yqpalynda bolady. Keı jerlerde jaýyn-shashyn bolyp, soltústik-batysta nóser jańbyr jaýady. Keı jerlerde daýyl turyp, jel kúsheıedi. Burshaq jaýýy yqtımal. Ońtústik jáne ońtústik-batysta shańdy daýyl soǵady.
Aqmola, Soltústik Qazaqstan oblystarynyń keı jerlerinde daýyl turyp, burshaq jaýýy múmkin. Keı jerlerde jel ekpini 15-20, 25 m/s jetedi.
Túrkistan oblysynyń keı jerlerinde shańdy daýyl soǵady. Burshaq jaýýy múmkin. Jel 15-ekpini 20, 23 m/s deıin kúsheıedi.
Qyzylorda oblysynyń keı jerlerinde shańdy daýyl kútiledi. Túnde keı jerlerde jel qarqyny 15-20, kúndiz 15-20, 23-28 m/s bolady.
Qostanaı oblysynyń keı jerlerinde daýyl kútiledi, burshaq jaýýy múmkin. Túnde keı jerlerde, kúndiz basym bóliginde jel jyldamdyǵy sekýndyna 15-20 metrge jetedi.
Atyraý oblysynda jeldiń kúshi keı jerlerde 15-20, kúndiz basym bóliginde 17-22 m/s deıin kúsheıedi. Kúndiz shańdy daýyl soǵady.
Aqtóbe, Qaraǵandy oblystarynyń keı jerlerinde daýyl turady. Burshaq jaýýy múmkin. Jel ekpini - 15-20 m/s. Qaraǵandy oblysynda jel jyldamdyǵy sekýndyna 25 metrge jetedi.
Pavlodar oblysynyń keı jerlerinde burshaq jaýýy múmkin, jel 15-20, ekpini 25 m/s kúsheıedi.
Mańǵystaý oblysynyń keı jerlerinde jel qarqyny 15-20 m/s deıin kúsheıip, shańdy daýyl turady.
Batys Qazaqstan, Shyǵys Qazaqstan oblystaryyń keı jerlerinde jel ekpini - 15-20 m/s. Kúndiz Jambyl oblysynda jeldiń kúshi 15-20, 23-28 m/s jetedi.
Kúndiz Almaty oblysynda aptap ystyq kútiledi.
Qyzylorda, Túrkistan oblystarynda, Jambyl, Qaraǵandy, Aqtóbe, Atyraý oblystarynyń keı jerlerinde, Batys Qazaqstan oblysynyń ońtútstiginde óte joǵary órt qaýpi saqtalady.
