29 tamyzda birqatar óńirde eskertý jarııalandy: qaı aımaqtarda aýa raıy qolaısyz bolady

Astanada túnde jańbyr, kúndiz azdaǵan jańbyr jaýady. Keı ýaqytta naızaǵaı oınaıdy. Túnde jáne tańerteń tuman túsedi. Soltústik, soltústik-batystan soǵatyn jeldiń jyldamdyǵy 9-14, ekpini 15-20 m/s-qa deıin jetedi.

Batys Qazaqstan oblysynda túnde jáne tańerteń oblystyń batysynda, soltústiginde jáne shyǵysynda tuman túsedi. Óńirde tótenshe órt qaýpi, al oblystyń soltústik-batysynda joǵary órt qaýpi saqtalady. Oralda túnde jáne tańerteń tuman bolady.

Atyraý oblysynda jáne Atyraý qalasynda tótenshe órt qaýpi saqtalady.

Qaraǵandy oblysynyń batysynda, soltústiginde jáne shyǵysynda jańbyr, naızaǵaı kútiledi. Soltústiginde keı ýaqytta qatty jańbyr jaýyp, kúndiz burshaq jaýyp, qatty jel soǵýy múmkin. Túnde jáne tańerteń oblystyń soltústigi men shyǵysynda tuman túsedi. Soltústik-batystan, soltústikten soǵatyn jeldiń tańerteń jáne kúndiz oblystyń batysynda, shyǵysynda jáne ońtústiginde ekpini 15-20, keı ýaqytta 23 m/s-qa deıin jetedi. Oblystyń ońtústiginde tótenshe órt qaýpi saqtalady. Qaraǵandyda túnde jáne tańerteń tuman bolady.

Ulytaý oblysynda soltústik-batystan, soltústikten jel soǵady. Oblystyń soltústiginde, shyǵysynda jáne ortalyǵynda jel ekpini 15-20 m/s-qa deıin jetedi. Tótenshe órt qaýpi saqtalady. Jezqazǵanda túnde soltústik-batystan, soltústikten jel soǵyp, ekpini 15 m/s-qa deıin jetedi. Qalada da tótenshe órt qaýpi saqtalady.

Abaı oblysynda kúndiz oblystyń batysynda, soltústiginde jáne ortalyǵynda jańbyr, naızaǵaı, burshaq kútiledi. Ońtústik-shyǵystan soqqan jel soltústik-batysqa aýysady. Kúndiz oblystyń batysynda, soltústiginde jáne ortalyǵynda jel ekpini 15-20, keı ýaqytta 23 m/s-qa deıin kúsheıedi. Ońtústikte aýa temperatýrasy +35°S-qa deıin jetetin qatty ystyq bolady. Ońtústik-batysta tótenshe órt qaýpi saqtalady. Semeıde kúndiz jańbyr jaýyp, naızaǵaı oınaıdy. Ońtústik-shyǵystan soǵatyn jel soltústik-batysqa aýysyp, ekpini 15-20 m/s-qa deıin jetedi.

Almaty oblysynda kúndiz aýa temperatýrasy +35…+37°S-qa deıin kóterilip, qatty ystyq bolady. Oblystyń ortalyǵynda, batysynda jáne shyǵysynda tótenshe órt qaýpi saqtalady. Almatyda +35°S-qa deıin qatty ystyq bolady. Qonaevta aýa temperatýrasy +35…+36°S-qa deıin kóteriledi. Qalada tótenshe órt qaýpi saqtalady.

Qostanaı oblysynyń soltústigi men shyǵysynda kúndiz azdaǵan jańbyr jaýyp, naızaǵaı oınaıdy. Túnde jáne tańerteń oblystyń batysy men soltústiginde tuman túsedi. Soltústik-batysy men shyǵysynda joǵary órt qaýpi, ońtústiginde, ońtústik-shyǵysynda jáne ortalyǵynda tótenshe órt qaýpi saqtalady.

Qyzylorda oblysynyń batysynda kúndiz azdaǵan jańbyr jaýyp, naızaǵaı oınaıdy. Óńirde tótenshe órt qaýpi saqtalady. Qyzylordada da tótenshe órt qaýpi bar.

Soltústik Qazaqstan oblysynyń soltústigi men shyǵysynda azdaǵan jańbyr, naızaǵaı, burshaq jáne daýyldy jel kútiledi. Túnde jáne tańerteń oblystyń batysynda tuman túsedi. Batystan, soltústik-batystan jel soǵady. Túnde oblystyń soltústigi men shyǵysynda jel ekpini 15-20 m/s, kúndiz 15-20 m/s bolady. Petropavlda azdaǵan jańbyr jaýyp, naızaǵaı oınaıdy. Batystan, soltústik-batystan soǵatyn jeldiń kúndizgi ekpini 15-20 m/s-qa deıin jetedi.

Aqtóbe oblysynda ortalyqta, soltústik-shyǵysta jáne soltústik-batysta joǵary órt qaýpi, al jalpy oblys aýmaǵynda tótenshe órt qaýpi saqtalady. Aqtóbede de tótenshe órt qaýpi bar.

Mańǵystaý oblysynyń batysynda, shyǵysynda jáne ortalyǵynda jańbyr, naızaǵaı kútiledi. Soltústik-shyǵystan soǵatyn jeldiń batysta jáne ortalyqta ekpini 15-20 m/s-qa deıin jetedi. Batysy men soltústiginde tótenshe órt qaýpi, ortalyǵynda joǵary órt qaýpi saqtalady. Aqtaýda keı ýaqytta jańbyr jaýyp, naızaǵaı oınaıdy. Soltústik-shyǵystan soǵatyn jeldiń kúndizgi ekpini 15-18 m/s bolady. Qalada tótenshe órt qaýpi saqtalady.

Pavlodar oblysynda jańbyr, naızaǵaı kútiledi. Batysynda, soltústiginde jáne ortalyǵynda qatty jańbyr jaýyp, kúndiz burshaq jaýyp, daýyldy jel soǵýy múmkin. Túnde jáne tańerteń oblystyń soltústigi men shyǵysynda tuman túsedi. Soltústikten soǵatyn jeldiń ekpini 15-20, al batysynda, soltústiginde jáne shyǵysynda keı ýaqytta 23-28 m/s-qa deıin jetedi. Pavlodarda jańbyr, naızaǵaı, túnde qatty jańbyr kútiledi. Soltústikten soǵatyn jeldiń ekpini 15-20 m/s bolady.

Aqmola oblysynyń shyǵysynda jańbyr, naızaǵaı, keı ýaqytta qatty jańbyr jáne burshaq jaýady. Ońtústiginde azdaǵan jańbyr, naızaǵaı kútiledi. Túnde jáne tańerteń oblystyń batysynda, soltústiginde jáne shyǵysynda tuman túsedi. Soltústikten, soltústik-batystan soǵatyn jeldiń oblystyń soltústiginde, shyǵysynda jáne ońtústiginde ekpini 15-20 m/s-qa deıin jetedi.

Jambyl oblysynda kúndiz soltústik-shyǵysta jáne taýly aýdandarda soltústik-batystan jel soǵyp, ekpini 15-20 m/s-qa deıin jetedi. Tótenshe órt qaýpi saqtalady. Tarazda da tótenshe órt qaýpi bar.

Túrkistan oblysynyń soltústiginde shańdy daýyl kútiledi. Soltústik-batystan soǵatyn jeldiń soltústikte jáne taýly aýdandarda ekpini 15-20 m/s-qa deıin jetedi. Tótenshe órt qaýpi saqtalady. Shymkentte jáne Túrkistanda da tótenshe órt qaýpi bar.

Jetisý oblysynda soltústik-shyǵystan jel soǵady. Alakól kólderi mańynda jeldiń ekpini 15-20 m/s-qa deıin jetedi. Kúndiz aýa temperatýrasy +35…+37°S-qa deıin kóterilip, qatty ystyq bolady. Oblystyń ortalyǵynda, ońtústiginde jáne shyǵysynda tótenshe órt qaýpi saqtalady. Taldyqorǵanda kúndiz +35…+36°S-qa deıin qatty ystyq bolady. Tótenshe órt qaýpi saqtalady.

Buǵan deıin jazdyń sońǵy kúnderinde atmosferalyq fronttyń ótýine baılanysty elimizdiń basym bóliginde jańbyr jaýyp, naızaǵaı oınap, ekpindi jel soǵyp, burshaq jaýatyny habarlandy.