29 tamyz. Tulǵalar týǵan kún
Búgin, 29 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
163 jyl buryn (1861-1933) qazaqtyń halyq kompozıtory, kúıshi, qazaq dombyra mektebiniń negizin salýshylardyń biri Seıtek ORAZALYULY dúnıege kelgen.
Batys Qazaqstan oblysynda týǵan. Bala kúninen mýzykaǵa qabiletin baıqatty. Dombyra tartýdy óz aǵasy Sultanǵalıdan úırendi, kúı oryndaýdy Dáýletkereıdiń shákirtterinen úırendi. «Arpalys», «Orǵytpa», «Shárıpa», «Bes qyz», «Jantaza», «Qarashash», «Qanatym», «Kókala at» t.b. kúıleri bar. Erkindik ıdeıalary úshin qýǵynǵa ushyrady. Orda, Irkýtsk, Qarabaıly, Astrahan, Máskeý túrmelerine qamaldy. Revolıýtsııashyl orys jumysshylarmen baılanysy bar degen aıyppen saıası senimsiz adam retinde Sibirge aıdaldy. Osy kezde «Aıdaý», «Túńildim», «Arman» kúıleri týdy. 1905 jyly elge oraldy. «Joqtaý», «Ǵazız», «Meń-zeń» «Sary dala» kúıleri osy kezde týdy. 1905 jylǵy revolıýtsııaǵa arnalǵan «Jiger», 1916 jyl oqıǵalaryna ún qosqan «16 jyl» kúıleri bar. Seıtek shyǵarmalarynyń shyńy – «Zaman-aı» kúıi, Oktıabr revolıýtsııasy ony «17 jyl», «Erkindik», «Partsezd» kúılerin shyǵarýǵa jigerlendirdi. A. Zataevıch Seıtek kúılerin «Qazaq halqynyń 1000 áni» jınaǵyna engizdi. Táken Álimqulovtyń «Seıtek saryny» povesi Seıtektiń ómiri men shyǵarmashylyǵyna arnalǵan. Seıtektiń kóptegen kúıleri Qurmanǵazy atyndaǵy memlekettik akademııalyq halyq aspaptary orkestriniń repertýarynda.
55 jyl buryn (1969) Qazaqstan Respýblıkasy Týrızm jáne sport mınıstri Ermek Boranbaıuly MARJYQPAEV dúnıege keldi.
Tselınograd qalasynda týǵan. 1994 jyly S. Seıfýllın atyndaǵy Tselınograd pedagogıkalyq ınstıtýtyn, 2001 jyly «Turan» ýnıversıtetin, 2009 jyly Kókshetaý ýnıversıtetin támámdaǵan.
Eńbek jolyn orta mektepte ustazdyqtan bastady. 1992-1994 jyldary «Shonaı» shaǵyn kásipornynyń dırektory, keıin «Býrabaı» JShS dırektory qyzmetin atqardy. 2008-2013 jyldary Arshaly, Zerendi aýdandarynyń ákimi, 2013-2014 jyldary Aqmola oblysy ákiminiń orynbasary, 2015-2019 jyldary Kókshetaý qalasynyń ákimi, 2019-2023 jyldary Aqmola oblysynyń ákimi qyzmetin atqarǵan.
Qazirgi qyzmetinde – 2023 jyldyń qyrkúıeginen bastap.
«Qurmet» ordenimen (2011), «Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2004), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarimen marapattalǵan.
52 jyl buryn (1972)Astana qalasy polıtsııa departamenti bastyǵynyń orynbasary Saltanat Bestybaıqyzy BEGASILOVA dúnıege keldi.
Almaty oblysy Qaratal aýdany Úshtóbe qalasynda dúnıege kelgen.
Eńbek joly: Almaty q. ІІB Bostandyq ІІB kámeletke tolmaǵandar jónindegi ınspektory, QR ІІM Jedel-tehnıkalyq qyzmet departamenti Aqmola qalasyndaǵy qujattandyrý ortalyǵy fılıalynyń aqparatty engizý bóliminiń ınjener-baǵdarlamashysy, QR ІІM "Aqparattyq-óndiristik ortalyq" Respýblıkalyq memlekettik kásipornynyń ortalyq derekter bankin qalyptastyrýdy engizý bóliminiń aǵa ınjener-baǵdarlamashysy, QR ІІM Tehnıkalyq qyzmet departamenti paıdalaný-tehnıkalyq basqarmasynyń aqparat berý bóliminiń bastyǵy, QR ІІM Aqparattyq-tehnıkalyq qyzmet departamenti tehnıkalyq paıdalaný ortalyǵynyń kommýtatorǵa jáne elektrondyq poshtaǵa qyzmet kórsetý bóliminiń bastyǵy, QR ІІM Tehnıkalyq qyzmet departamenti Perspektıvaly tehnologııalar basqarmasy bastyǵynyń orynbasary, ári tehnıkalyq-ekonomıkalyq bóliminiń bastyǵy, QR ІІM Tehnıkalyq qyzmet departamenti perspektıvaly tehnologııalar basqarmasy bastyǵynyń orynbasary, ári tehnıkalyq-ekonomıkalyq bóliminiń bastyǵy, QR ІІM Tehnıkalyq qyzmet departamenti perspektıvaly tehnologııalar basqarmasy bastyǵynyń orynbasary, QR ІІM Aqparattandyrý jáne baılanys departamenti bastyǵynyń orynbasary, ári perspektıvaly tehnologııalar basqarmasynyń bastyǵy bolyp qyzmet atqarǵan.
Qazirgi laýazymyn 2023 jyldyń mamyrynan beri atqaryp keledi.
46 jyl buryn (1978) Qazaqstan Respýblıkasy Joǵary aýdıtorlyq palatanyń múshesi Rasýl Nurlanuly RAHIMOV dúnıege keldi.
Shyǵys Qazaqstan oblysynyń Óskemen qalasynda dúnıege keldi. Ol «Bolashak» halyqaralyq stıpendııasynyń túlegi, qazaqstandyq jáne sheteldik joǵary oqý oryndarynda bilim aldy.
Indýstrııa mınıstrliginiń júıesinde, BUUDB-nyń qorshaǵan ortany qorǵaý jáne energetıka baǵdarlamalarynyń úılestirýshisi, BUUDB-nyń Qazaqstandaǵy Ornyqty damý departamentiniń basshysy, Ulttyq ınnovatsııalyq qordyń basqarýshy dırektory qyzmetterin atqardy.
2018 jylǵy qańtardan bastap Qazaqstan Respýblıkasy Prezıdenti Ákimshiliginiń Strategııalyq josparlaý bólimi meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetterin atqardy. 2021-2022 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.
Qazirgi qyzmetin 2022 jyldyń jeltoqsan aıynan beri atqaryp keledi.
