29 tamyz. Kazinform kúntizbesi. Tulǵalar týǵan kún

ESІMDER

1969 jyly Tselınograd qalasynda týǵan. 1994 jyly S.Seıfýllın atyndaǵy Tselınograd pedagogıkalyq ınstıtýtyn, 2001 jyly «Turan» ýnıversıtetin, 2009 jyly Kókshetaý ýnıversıtetin támámdaǵan.

Eńbek jolyn orta mektepte ustazdyqtan bastady. 1992-1994 jyldary «Shonaı» shaǵyn kásipornynyń dırektory, keıin «Býrabaı» JShS dırektory qyzmetin atqardy. 2008-2013 jyldary Arshaly, Zerendi aýdandarynyń ákimi, 2013-2014 jyldary Aqmola oblysy ákiminiń orynbasary, 2015-2019 jyldary Kókshetaý qalasynyń ákimi, 2019-2023 jyldary Aqmola oblysynyń ákimi qyzmetin atqarǵan.

2024 jyldyń qyrkúıek aıynan bastap qazirgi qyzmetinde.

«Qurmet» ordenimen (2011), «Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2004), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarimen marapattalǵan.

Baqytjan BAIAHMETOV, Shyǵys Qazaqstan oblysy ákiminiń orynbasary

1970 jyly Aıagóz qalasynda týǵan. 1992 jyly Qazaq aýyl sharýashylyǵy ınstıtýtyn «ınjener-elektrık» mamandyǵy boıynsha, 2008 jyly Ortalyq Azııa ýnıversıtetin «Ekonomıst» mamandyǵy boıynsha bitirgen.

Eńbek joly: 1992-2005 jyldary ShQO energetıka salasynda qyzmet etti. 2005-2008 jyldary Shyǵys Qazaqstan oblysy Aıagóz aýdany ákiminiń orynbasary, 2009 jyly QR Mádenıet jáne aqparat mınıstrligi Aqparat jáne muraǵat komıteti Memlekettik satyp alý jáne uıymdastyrý-quqyqtyq jumysy basqarmasynyń bastyǵy, QR Qorshaǵan ortany qorǵaý mınıstrligi Memlekettik jáne bıýdjettik josparlaý basqarmasynyń bas sarapshysy, 2009-2010 jyldary Óskemen qalasynyń qurylys bóliminiń bastyǵy, 2010-2014 jyldary Aıagóz aýdany Aıagóz qalasynyń ákimi, 2014 jyly Shyǵys Qazaqstan oblysy Ulan aýdanynyń ákimi, 2014-2019 jyldary Shyǵys Qazaqstan oblysy Aıagóz aýdanynyń ákimi, 2019-2021 jyldary Shyǵys Qazaqstan oblysy ákiminiń orynbasary, 2021-2022 jyldary Abaı oblysy Semeı qalasynyń ákimi laýazymyn atqardy. 2022-2023 jyldary QR Parlamentiniń Senat depýtaty, 2023 jyly Shyǵys Qazaqstan oblysy ákimi apparatynyń basshysy boldy.

2023 jyldyń shildesinen beri qazirgi qyzmetinde.

Rasýl RAHIMOV, Qazaqstan Respýblıkasy Joǵary aýdıtorlyq palatanyń múshesi

1978 jyly Shyǵys Qazaqstan oblysynyń Óskemen qalasynda týǵan. Ol «Bolashak» halyqaralyq stıpendııasynyń túlegi, qazaqstandyq jáne sheteldik joǵary oqý oryndarynda bilim aldy.

Indýstrııa mınıstrliginiń júıesinde, BUUDB-nyń qorshaǵan ortany qorǵaý jáne energetıka baǵdarlamalarynyń úılestirýshisi, BUUDB-nyń Qazaqstandaǵy Ornyqty damý departamentiniń basshysy, Ulttyq ınnovatsııalyq qordyń basqarýshy dırektory qyzmetterin atqardy.

2018 jylǵy qańtardan bastap QR Prezıdenti Ákimshiliginiń Strategııalyq josparlaý bólimi meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetterin atqardy. 2021-2022 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.

2022 jyldyń jeltoqsan aıynan bastap qazirgi qyzmetinde.

Azamat QAShIEV, Qostanaı oblysy ákimdiginiń aqparattandyrý, memlekettik qyzmetterdi kórsetý jáne arhıvter bóliminiń basshysy

1986 jyly Qostanaı oblysy, Áýlıekól aýdany, Jaltyrkól aýylynda dúnıege kelgen. Qostanaı memlekettik pedagogıkalyq ınstıtýtyn «Fızıka jáne ınformatıka» mamandyǵy boıynsha (2008), A.Baıtursynov atyndaǵy Qostanaı memlekettik ýnıversıtetin «Quqyqtaný» mamandyǵy boıynsha (2010), Qostanaı ınjenerlik-ekonomıkalyq ýnıversıtetin «Ekonomıka» mamandyǵy boıynsha magıstratýrany bitirdi (2015).

Eńbek joly: 2007-2008 jyldary «Qostanaı qalasy ákimdiginiń sáýlet jáne qala qurylysy bólimi» MM mekenjaı tirkeliminiń ınspektory, 2008-2010 jyldary «Qostanaı qalasy ákimdiginiń sáýlet jáne qala qurylysy bólimi» MM kadr jumysy jónindegi bas mamany, 2010-2011 jyldary «Qostanaı oblysy ákimdiginiń tilderdi damytý basqarmasy» MM qarjy-quqyqtyq jumys bóliminiń bas maman-zańgeri, 2011-2012 jyldary «Qostanaı oblysy ákimdiginiń densaýlyq saqtaý basqarmasy» MM lıtsenzııalaý, memlekettik qupııalardy qorǵaý, jumyldyrý daıyndyǵy jáne ekstremaldy medıtsına bóliminiń bas mamany, 2012-2013 jyldary «Qostanaı oblysy ákimdiginiń bilim basqarmasy» MM quqyqtyq qamtamasyz etý bóliminiń bas mamany, 2013-2014 jyldary «Qostanaı oblysy ákiminiń apparaty» MM uıymdastyrý-baqylaý jumysy bóliminiń bas mamany, 2014-2020 jyldary «Qostanaı aýdany ákiminiń apparaty» MM Qostanaı aýdany ákimi apparatynyń basshysy, Fedorov aýdany ákiminiń orynbasary laýazymyn atqarǵan.

2020 jyldyń qańtarynan beri qazirgi qyzmetinde.

Seıtek ORAZALYULY, qazaqtyń halyq kompozıtory, kúıshi, qazaq dombyra mektebiniń negizin salýshylardyń biri

1861 jyly Batys Qazaqstan oblysynda týǵan.

Bala kúninen mýzykaǵa qabiletin baıqatty. Dombyra tartýdy óz aǵasy Sultanǵalıdan úırendi, kúı oryndaýdy Dáýletkereıdiń shákirtterinen úırendi. «Arpalys», «Orǵytpa», «Shárıpa», «Bes qyz», «Jantaza», «Qarashash», «Qanatym», «Kókala at» t.b. kúıleri bar.

Erkindik ıdeıalary úshin qýǵynǵa ushyrady. Orda, Irkýtsk, Qarabaıly, Astrahan, Máskeý túrmelerine qamaldy. Revolıýtsııashyl orys jumysshylarmen baılanysy bar degen aıyppen saıası senimsiz adam retinde Sibirge aıdaldy. Osy kezde «Aıdaý», «Túńildim», «Arman» kúıleri týdy. 1905 jyly elge oraldy. «Joqtaý», «Ǵazız», «Meń-zeń» «Sary dala» kúıleri osy kezde týdy.

1905 jylǵy revolıýtsııaǵa arnalǵan «Jiger», 1916 jyl oqıǵalaryna ún qosqan «16 jyl» kúıleri bar. Seıtek shyǵarmalarynyń shyńy – «Zaman-aı» kúıi, Oktıabr revolıýtsııasy ony «17 jyl», «Erkindik», «Partsezd» kúılerin shyǵarýǵa jigerlendirdi. A.Zataevıch Seıtek kúılerin «Qazaq halqynyń 1000 áni» jınaǵyna engizdi. Táken Álimqulovtyń «Seıtek saryny» povesi Seıtektiń ómiri men shyǵarmashylyǵyna arnalǵan. Seıtektiń kóptegen kúıi Qurmanǵazy atyndaǵy memlekettik akademııalyq halyq aspaptary orkestriniń repertýarynda.