29 shildeden bastap «Almaty jastary» baǵdarlamasyna qujat qabyldanady
ALMATY. KAZINFORM — «Almaty jastary» jeńildetilgen turǵyn úı baǵdarlamasyna ótinish qabyldaý bastalady.
Almaty qalalyq kommýnaldyq ınfraqurylymdy damytý basqarmasy málim etkendeı, baǵdarlama boıynsha ótinimder men qujattar 29 shilde men 7 tamyz aralyǵynda myna saıtta qabyldanady.
Saıtta ótinish pen qujat qabyldaý elektrondy tsıfrly qoltańba arqyly júzege asady.
Nesıeniń eń joǵary somasy — 18 mln teńgege deıin. Syıaqy mólsherlemesi — 5, bastapqy jarnasy — 10 paıyz.
Qatysýshynyń jańa salynǵan nemese qoldanystaǵy turǵyn úı naryǵynan úı tańdaý múmkindigi bar. Baǵdarlamaǵa qamtylatyndar sany — 1200 adam.
Qatysýǵa qoıylatyn negizgi talaptar:
- Qazaqstan Respýblıkasynyń azamattyǵy;
- Ótinim berý kezinde ótinish berýshiniń jáne jubaıynyń (bar bolsa) Almaty qalasynda turaqty tirkeýi bolýy;
- Ótinim berý kezinde qatysýshy 35 jasqa tolmaýy kerek, al jubaıynyń (bar bolsa) jasy esepke alynbaıdy. Baǵdarlamaǵa negizgi qatysýshy retinde erli-zaıyptynyń bireýi ǵana qatysa alady;
- Qatysýshynyń jáne onyń otbasy múshesinde menshik quqyǵynda turǵyn úıdiń, sondaı-aq Qazaqstan Respýblıkasynyń aýmaǵynda sońǵy 5 jyl ishinde turǵyn úı jaǵdaıynyń ádeıi nasharlaýy faktisiniń bolmaýy.
- Qatysýshynyń Almaty qalasynda eń kemi sońǵy 6 aı boıy mindetti zeınetaqy aýdarymy bar jumys ótili bolýy qajet. Atap aıtqanda, densaýlyq saqtaý, bilim berý, mádenıet, sport, JOO-lar jáne ǴZI, jýrnalıster, áleýmettik sala, quqyq qorǵaý organdary, qalalyq kommýnaldyq qyzmetter jáne «Jumys isteıtin jastar» baǵdarlamasy boıynsha jaldaýshylary (2019 jyly jeltoqsan).
Eske salaıyq, «Almaty jastary 3.0» turǵyn úı baǵdarlamasy tómen paıyzdyq mólsherlememen 2020 jyly bastalǵan bolatyn.
Oǵan 35 jasqa deıingi almatylyqtar qatysa alady.
Aıta keteıik, «Almaty jastary» baǵdarlamasyna qatysý úshin qalada turaqty tirkelý mindetti emes.
