29 shilde kúngi aýa raıy boljamy
NUR-SULTAN. QazAqparat - 29 shildede tsıklonnyń jáne sonymen birge aýa aǵynynyń ótýine baılanysty el aýmaǵynyń basym bóliginde aýa raıy qubylmaly bolady, keı jerlerde jańbyr jaýady. Tek respýblıkanyń ońtústik-shyǵysynda ǵana kún ashyq bolady, dep habarlaıdy QazAqparat Qazgıdrometke silteme jasap.
Aqmola oblysynyń keı jerlerinde naızaǵaı, daýyl, burshaq jaýýy múmkin, túnde keı jerlerde jel, kúndiz basym bóliginde 15-20 m/s kúsheıedi. Batys Qazaqstan oblysynda, tańerteń jáne kúndiz Pavlodar oblysynyń keı jerlerinde naızaǵaı, daýyl kútiledi, jeldiń jyldamdyǵy 15-20 m/s jetedi, burshaq jaýýy yqtımal.
Qostanaı oblysynda naızaǵaı jarqyldap, jel túnde keı jerlerinde 15-20 m/s, kúndiz 15-20, ekpini 23 m/s kúsheıedi.
Soltústik Qazaqstan, Qaraǵandy oblystarynyń keı jerlerinde naızaǵaı, daýyl kútiledi, jel turady, jyldamdyǵy 15-20 m/s, kúndiz Qaraǵandy oblysynyń keı jerlerinde burshaq jaýýy múmkin. Qyzylorda oblysynyń keı jerlerinde naızaǵaı, daýyl, shańdy daýyl kútiledi, túnde keı jerlerde jel 15-20 m/s, kúndiz 15-20, keı jerlerde 25 m/s kúsheıedi.
Túrkistan oblysynyń keı jerlerinde shańdy daýyl, jel 15-20, kúndiz ekpini 23 m/s jetedi, tańerteń jáne kúndiz keı jerlerde naızaǵaı , daýyl turýy yqtımal. Atyraý, Aqtóbe oblystarynyń keı jerlerinde naızaǵaı jarqyldaıdy, jel 15-20 m/s kúsheıedi. Jambyl oblysynyń keı jerlerinde jeldiń jyldamdyǵy 15-20 m/s jetedi. Shyǵys Qazaqstan oblysynda túnde jáne tańerteń keı jerlerde tuman túsedi.
Kúndiz Almaty, Jambyl oblystarynda, Qaraǵandy oblysynyń keı jerlerinde qatty ystyq kútiledi.
Qyzylorda, Túrkistan, Jambyl, Aqtóbe, Almaty oblystarynda, Atyraý, Qaraǵandy, Shyǵys Qazaqstan, Qostanaı, Aqmola oblystarynyń keı jerlerinde óte joǵary órt qaýpi saqtalady.
