29 sáýirde ótetin mańyzdy sharalar ańdatpasy

NUR-SULTAN

10.00-de L. N. Gýmılev atyndaǵy Eýrazııa ulttyq ýnıversıtetinde ENU Endowment Fund jobasy tanystyrylady.

10.30-da «Samuryq-Qazyna» qory uıymnyń satyp alý tártibi týraly onlaın baspasóz brıfıngin ótkizedi. Translıatsııa qordyń Youtube arnasynda júrgiziledi.

11.00-de Memleket basshysy, QHA Tóraǵasy Qasym-Jomart Toqaevtyń tóraǵalyǵymen Qazaqstan halqy Assambleıasynyń XXXI sessııasy ótedi.

Kún tártibinde: «El birligi – jańarǵan Qazaqstannyń tiregi».

14.00-de «Dýman» qonaq úıinde «Aýyl» halyqtyq-demokratııalyq patrıottyq partııasy Saıası keńesiniń keńeıtilgen otyrysy ótedi.

Sharaǵa partııanyń barlyq óńirlik fılıaldarynyń tóraǵalary, Saıası keńes músheleri men jastar qanatynyń belsendileri qatysady.

18.00-de Qazaqstan Qarýly kúshteri Ulttyq áskerı-patrıottyq ortalyǵynyń Kontsert zalynda «Astana Opera» kameralyq orkestri Viva Mozart! baǵdarlamasymen óner kórsetedi.

ALMATY

11.00-de QR Memlekettik ortalyq mýzeıinde «Barshaǵa arnalǵan bilim» atty eki kúndik bilim kórmesin ótkizedi. Oǵan shetelde bilim alý jónindegi keńes ortalyqtary, til mektepteri jáne Almaty qalasynyń bilim berý kýrstary qatysady.

Bul joǵary jáne orta bilim berýdiń úzdik, tildik, mádenı baǵdarlamalary jáne shetelde demalysty usynatyn qalamyzdyń jetekshi uıymdary: «Education First», «Globus Education», «Edu Stream», «Study Room», «Get Education», «Cheshskıı Obrazovatelnyı Tsentr», «Global Student Center», «USL Kazakhstan», «Cambridge Academy» bilim berý ortalyqtary usynady.

15.00-de QR Memlekettik Ortalyq mýzeıinde Dúnıejúzilik jazýshylar kúnine oraı, qazaqtyń kórnekti aqyn-jazýshylary – M. Áýezovtyń 125 jyldyq, Ǵ. Músirepov pen Ǵ. Mustafınniń 120 jyldyq, D. Ábilev pen Ǵ. Ormanovtyń 115 jyldyq, Á. Sháripovtyń 110 jyldyq jáne Á. Nurshaıyqov pen S. Sháımerdenovtiń 100 jyldyq mereıtoıy qarsańynda «HALYQ JÚREGІNDEGІ QALAMGERLER» atty kórme ashylady.