29 naýryzda máslıhattar depýtattarynyń saılaýy ótedi - Ortalyq saılaý komıssııasy
Barlyǵy Astana q. máslıhatynyń 1 depýtaty, 9 oblystyq depýtat, 10 qalalyq jáne 40 aýdandyq máslıhattar depýtattary saılanady.
«Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes máslıhat depýtattyǵyna kandıdattardy belgilengen tártipte tirkelgen respýblıkalyq nemese jergilikti qoǵamdyq birlestikter, sondaı-aq olardyń qurylymdyq bólimsheleri men azamattar ózin-ózi usyný jolymen usynady. Máslıhat depýtattyǵyna saılaný úshin azamat Konstıtýtsııanyń 86-babynyń 3-tarmaǵynda belgilengen talaptarǵa sáıkes kelýi, sondaı-aq Konstıtýtsııanyń 33-babynyń 2-shi jáne 3-shi tarmaqtaryna jáne «Qazaqstan Respýblıkasyndaǵy saılaý týraly» Konstıtýtsııalyq zańyna sáıkes saılaý quqyǵyna ıe bolýy kerek. Osylaısha, 20 jasqa tolǵan Qazaqstan Respýblıkasynyń azamaty máslıhat depýtaty bolyp saılana alady. Sot is-áreketke jaramsyz dep tanyǵan, sondaı-aq sot sheshimi boıynsha bostandyǵynan aıyrý oryndarynda otyrǵan azamattar saılaý jáne saılaný quqyǵyna ıe bola almaıdy. Respýblıkalyq nemese jergilikti qoǵamdyq birlestikterdiń, olardyń qurylymdyq bólimsheleriniń máslıhat depýtattyǵyna kandıdattardy usynýyn olardyń joǵary organdary árbir kandıdat daýysqa túsetin saılaý okrýgin kórsete otyryp júrgizedi. Máslıhat depýtattyǵyna kandıdattardy azamattardyń ózin-ózi tártibimen usynýy tıisti okrýgtik saılaý komıssııasyna osy aýmaqtyq saılaý okrýgi boıynsha máslıhat depýtattyǵyna kandıdat bolyp daýysqa túsý nıeti týraly ótinish berýi arqyly jasalady.
