29 naýryz kúni jel kúsheıip, ońtústikte burshaq jaýýy múmkin
NUR-SULTAN. QazAqparat - Qazgıdromet 28 naýryz kúngi aýa raıy boljamyn usynady, dep habarlaıdy QazAqparat.
Qazaqstannyń basym aýmaǵynda atmosferalyq fronttardyń ótýine baılanysty jaýyn-shashyn jaýady, ońtústiktiń keı jerlerinde nóser jańbyr kútiledi. Tek respýblıkanyń ońtústik-shyǵysynda kún ashyq bolady. Keı aımaqtarda tuman túsip, kóktaıǵaq bolýy yqtımal. Jel kúsheıedi. Ońtústikte naızaǵaı jarqyldap, daýyl soǵady. Burshaq jaýýy múmkin.
Soltústik Qazaqstan oblysynyń keı jerlerinde tuman, kóktaıǵaq kútiledi, túnde oblystyń basym bóliginde jel 15-20, keı jerlerde 25 m/s jyldamdyqpen soǵady. Kúndiz keı jerlerde jel ekpini 15-20 m/s jetedi.
Qyzylorda oblysynda tuman, shańdy daýyl kútiledi, jel 15-20 m/s deıin kúsheıedi. Túnde keı jerlerde naızaǵaı, daýyl kútiledi.
Jambyl oblysynyń keı jerlerinde tuman túsip, naızaǵaı jarqyldaıdy. Kúndiz keı jerlerde jel ekpini 15-20 m/s bolady.
Túrkistan oblysynda tańerteń jáne kúndiz naızaǵaı jarqyldaıdy, jel qarqyny 15-20 m/s deıin kúsheıedi.
Aqmola, Qaraǵandy, Qostanaı oblystarynyń keı jerlerinde tuman túsedi, jel jyldamdyǵy 15-20 m/s deıin jetedi. Qostanaı oblysynyń keı jerlerinde kóktaıǵaq kútiledi.
Shyǵys Qazaqstan men kúndiz Aqtóbe oblysynyń keı jerlerinde jel 15-20 m/s deıin kúsheıýi múmkin.
Almaty oblysynyń Jalańashkól aýdanynda jel ekpini 15-20 m/s bolady.
Pavlodar, Mańǵystaý obylstarynda, túnde Batys Qazaqstan oblysynyń keı jerlerinde tuman kútiledi. Batys Qazaqstan oblysynyń keı jerlerinde túnde kóktaıǵaq bolýy yqtımal.
