29 naýryzdan bastap Air Astana aptasyna úsh ret Almatydan Shanhaıǵa ushady

ASTANA. KAZINFORM – Qazaqstan Respýblıkasy Kólik mınıstrligi ushý geografııasyn keńeıtý jáne qoldanystaǵy baǵyttar boıynsha reıster sanyn arttyrý jumystaryn turaqty negizde júrgizip keledi. Osy oraıda, 2026 jyldyń 29 naýryzynan bastap «Air Astana» áýe kompanııasy Almaty – Shanhaı baǵyty boıynsha turaqty reısterdi iske qosady.

Reıster aptasyna 3 ret – seısenbi, beısenbi jáne jeksenbi kúnderi oryndalady. 

Nátıjesinde Qazaqstan men Qytaı arasyndaǵy reısterdiń jalpy sany aptasyna 81-den 84-ke deıin artady. 

Reısterdiń ashylýy eki el arasyndaǵy saýda-ekonomıkalyq, iskerlik jáne týrıstik yntymaqtastyqtyń odan ári damýyna yqpal etedi dep kútilip otyr. 

Osyǵan deıin qazaqstandyq reıster Iran áýe keńistigin paıdalanbaıtynyn jazǵan edik.