29 naýryz kúni Almatyda Toqaev pen Mırzıeevtiń beıresmı kezdesýi ótedi

ASTANA. KAZINFORM – 29 naýryz kúni Almatyda Qazaqstan Prezıdenti Qasym-Jomart Toqaev pen Ózbekstan Prezıdenti Shavkat Mırzıeevtiń beıresmı kezdesýi ótedi. Bul týraly Aqordanyń baspasóz qyzmeti habarlady. 

Memleket basshylary kelissóz barysynda qazaq-ózbek strategııalyq seriktestigi men odaqtastyq qatynastaryn odan ary nyǵaıtý perspektıvasyn, sondaı-aq óńirlik kún tártibin talqylaýdy josparlap otyr. 

Budan bólek, prezıdentter qaladaǵy birqatar nysandy aralap, jasandy ıntellektige arnalǵan kórmeni tamashalaıdy. 

Eske sala keteıik, buǵan deıin Memleket basshysynyń Eýropalyq komıssııanyń vıtse-prezıdenti Kaıa Kallaspen kezdeskenin habarlaǵan edik.