29 maýsymda Mańǵystaý, Atyraý, Batys Qazaqstan oblystarynda aptap ystyq bolady dep kútilýde
ASTANA. 27 maýsym. QazAqparat - Qazaqstannyń basym bóliginde atmosferalyq aǵyndardyń ótýine baılanysty aýa raıynyń turaqsyzdyǵy saqtalady, keı jerlerde ótkinshi jańbyr jaýyp, naızaǵaı jarqyldaıdy, burshaq jaýýy múmkin, uıytqyǵan jel soǵyp, keı jerlerde shań kóterilip, daýyl turady.
Bul týraly Qazgıdrometke silteme jasap, QR TJM baspasóz qyzmetinen habarlady.
Elimizdiń batys aımaǵynda jaýyn-shashyn bolmaıdy.
Almaty, Jambyl, Ońtústik Qazaqstan oblystarynda, kúndiz Shyǵys Qazaqstan oblysynyń keı aımaqtarynda sekýndyna 15-20 metrge deıin jetetin jel soǵady, kúndiz keı jerlerde burshaq jaýýy múmkin.
Aqmola, Qaraǵandy, kúndiz Atyraý, Batys Qazaqstan, Qostanaı, Soltústik Qazaqstan, Pavlodar oblystarynda jel 15-20 m/s-qa deıin kúsheıedi. Batys Qazaqstan oblysynda shań aralas daýyl turady.
Mańǵystaý, Atyraý, Batys Qazaqstan oblystarynda keı jerlerde aptap ystyq bolady dep kútilýde.
Respýblıkanyń soltústik-batysynda, ońtústiginde jáne ortalyǵynda tótenshe joǵary órt qaýpi saqtalady.
