29 maýsymda el aýmaqtarynda qubylmaly kún raıy saqtalady
ASTANA. QazAqparat - Atmosferalyq fronttardyń ótýine baılanysty 29 maýsym kúni eldiń basym bóliginde qubylmaly kún raıy saqtalady. Keı jerlerde jańbyr jaýyp, naızaǵaı oınaıdy, jel kúsheıip, burshaq jaýýy yqtımal. Respýblıkanyń tek batysy men ońtústiginde kún jaýyn-shashynsyz ótetini kútiledi, dep habarlaıdy QazAqparat.
Atap aıtqanda, Jambyl, Soltústik Qazaqstan, kúndiz Shyǵys Qazaqstan oblystarynyń keı jerlerinde jel 15-20 m/s kúsheıedi, burshaq jaýýy múmkin.
Ońtústik Qazaqstan oblysynyń jekelegen jerlerinde 15-20 m/s ekpindegi jel shańdy daýylmen birge kóteriledi.
Aqmola, Batys Qazaqstan, Qostanaı, Pavlodar, Qaraǵandy oblystarynyń keı aýmaqtarynda jeldiń jyldamdyǵy 15-20 m/s artady.
Kúndiz Atyraý, Aqtóbe oblystarynda, Mańǵystaý oblysynyń keı jerlerinde qatty ystyq kútiledi.
Sondaı-aq kúndiz Qyzylorda, Ońtústik Qazaqstan, Qaraǵandy, Shyǵys Qazaqstan, Qostanaı, Atyraý oblystarynyń jekelegen jerlerinde joǵary órt qaýpi saqtalady.
