29 maýsym kúni elordada ótetin mańyzdy sharalar ańdatpasy
ASTANA. QazAqparat – «QazAqparat» halyqaralyq aqparat agenttigi 29 maýsym kúni Astanada ótetin mádenı jáne qoǵamdyq mańyzdy sharalar ańdatpasyn usynady.
8.30-da «Rixos President Astana» qonaq úıinde Ulttyq neırohırýrgııa ortalyǵynyń 15 jyldyǵyna arnalǵan Qazaqstan neırohırýrgtarynyń V Kongresiniń saltanatty ashylýy ótedi.
9.00-de «EXPO» kongress-ortalyǵynda «Amanat» partııasynan saılanǵan barlyq deńgeıdegi máslıhattar depýtattarynyń alǵashqy respýblıkalyq forýmy ótedi. Forým jumysyna Májilis pen máslıhattardaǵy fraktsııa músheleri, partııanyń Saıası keńesiniń músheleri, úkimettik emes uıymdardyń ókilderi, «Jastar rýhy» jastar qanatynyń belsendileri qatysady.
10.30-da «Magnum» gıpermarketi aýmaǵynda (Alash tasjoly, 23/1) Qurban aıt merekesine oraı halyqtyń áleýmettik osal toptaryna qurbandyq et jáne azyq-túlik sebetteri taratylady.
10.30-da QR Prezıdenti janyndaǵy Memlekettik basqarý akademııasynyń túlekterine saltanatty túrde dıplom tabystaý rásimi ótedi.
11.00-de Astana qalasy kommýnıkatsııalar qyzmetinde «Qan donory neni bilýi kerek?» taqyrybynda onlaın brıfıng ótedi. Spıker: QR DSM «Transfýzıologııa ǵylymı-óndiristik ortalyǵy» ShJQ RMK donor kadrlaryn jınaqtaý bólimshesiniń meńgerýshisi Áıgerim Saǵambaeva. Onlaın baspasóz konferentsııasy «Astana qalasy kommýnıkatsııalar qyzmetiniń» Facebook-tegi facebook.com/rsk.astana01 jáne Instagram-daǵy instagram.com/rsk.astana resmı paraqshalarynda tikeleı efırde ótedi.
12.00-de QR Prezıdenti janyndaǵy Ortalyq kommýnıkatsııalar qyzmetinde «Áleýmettik kodekste kózdelgen halyqty áleýmettik qoldaý sharalaryn kúsheıtý týraly» baspasóz máslıhaty ótedi. Spıkerler: QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov; QR EHÁQM Eńbek jáne halyqty áleýmettik qorǵaý komıtetiniń tóraǵasy Tólegen Ospanqulov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
19.00-de Astana Opera teatrynda Djoakkıno Rossınıdiń «Aljırdegi ıtalııalyq qyz» atty eki aktili opera-býffasy qoıylady.
19.00-de Jastar teatrynda «Taptym. Ǵashyq boldym. Joǵalttym» mıýzıkli sahnalanady.
19.00-de Jas kórermenderdiń mýzykalyq teatrynda «Dúnıe–Ǵapyl» metafızıkalyq dramasy usynylady.
19.30-da Mádenıet jáne sport mınıstrliginiń qoldaýymen Roza Baǵlanova atyndaǵy «Qazaqkontsert» memlekettik kontserttiń uıymynyń «ASTANA MUSICAL» memlekettik teatry «ROZA BAǴLANOVA» atty júldeli mıýzıklin qoıady.
