29 maýsym. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
ASTANA. 29 maýsym. QazAqparat - QazAqparat oqyrmandaryna 2012 jylǵy 29 maýsymǵa arnalǵan kúntizbesin usynady.
29 maýsym, JUMA
Slavıan birligi jáne dostyǵy kúni (Reseı, Ýkraına jáne Belarýstyń shekara aımaǵynda atap ótiledi).
Seıshel araldary Respýblıkasynyń Ulttyq meıramy - Táýelsizdik kúni (1976). Seıshel araldary memleketi Madagaskar aralynyń soltústik-shyǵysynda, Úndi muhıtyndaǵy 115 aralda ornalasqan. Ákimshilik-aýmaqtyq jaǵynan 23 okrýgke bólinedi. Astanasy - Vıktorııa qalasy. Resmı tili - kreol, aǵylshyn jáne frantsýz tilderi. Ulttyq aqsha birligi - seıshel rýpııi.
ESTE QALAR OQIǴALAR
20 jyl buryn (1992) Qazaqstan Respýblıkasy men Lıýksembýrg Uly gertsogtyǵynyń arasyndaǵy dıplomatııalyq qarym-qatynas ornatyldy.
14 jyl buryn (1998) Taraz memlekettik ýnıversıtetinde XVI ǵasyrda ómir súrgen belgili tarıhshy, ádebıetshi, fılosof, «Tarıhı Rashıdıdiń» avtory M.H.Dýlatıge músintas qoıyldy.
11 jyl buryn (2001) Elbasy Nursultan Nazarbaev «Astana - jańa qala» arnaıy ekonomıkalyq aımaq qurý týraly» Jarlyqqa qol qoıdy.
80 jyl buryn (1932) KSRO Aýyr ónerkásip halyq komıssarıatynyń alqasy «Balqash mańy mys qorytý kombınatynyń qurylys týraly» qaýly qabyldady.
48 jyl buryn (1964) Maqat-Aqtaý temir jolynyń qurylys aıaqtaldy.
48 jyl buryn (1964) teledıdardy alystan basqarý pýlti jasaldy.
7 jyl buryn (2005) Memleket basshysy «Balaly otbasylarǵa beriletin memlekettik járdemaqylar týraly» Qazaqstan Respýblıkasynyń Zańyna qol qoıdy.
7 jyl buryn (2005) Oralda Qarashyǵanaq munaı-gaz kondensaty kenishindegi ekologııalyq jaǵdaıdy jaqsartýǵa baǵyttalǵan Qazaqstan Respýblıkasy Qorshaǵan ortany qorǵaý mınıstrligi, Batys Qazaqstan oblysy ákimshiligi jáne Qarashyǵanaq Petrolıým Opereıtıng B.V. kompanııasy arasynda ózara túsinistik jónindegi memorandýmǵa qol qoıyldy.
7 jyl buryn (2005) Semeıde qazaqstan ǵalymy, abaıtanýshy, professor, jazýshy, dramatýrg, Abaı atyndaǵy syılyqtyń laýreaty Qaıym Muhamedhanovtyń (1916-2004) shyǵarmalar jınaǵynyń birinshi tomy jaryq kórdi.
Shyǵarmalardyń birinshi tomyna «Abaıdyń ádebıet mektebi», «Abaı shyǵarmalarynyń tekstologııasy» eńbekteri jáne tanymal adamdar týraly maqalalary endi. Saıası qýǵyn-súrgin jyldary bul zertteýlerge tyıym salynǵan, al avtordy «halyq jaýy» dep aıyptap 25 jylǵa túrmege qamaǵan.
Jınaqqa kirgen Qaıym Muhamedhanovtyń hattary men sýretteri ǵalymnyń otbasylyq muraǵatynan alynǵan.
3 jyl buryn (2009) Astanada ótken Qala qurylysyn salýshylardyń «Qazaqstan-2009» VIII forýmynda Elbasy Nursultan Nazarbaev Qazaqstan Qala qurylysyn salýshylar odaǵynyń Altyn medalimen marapattaldy.
3 jyl buryn (2009) Qazaqstan Respýblıkasynyń Prezıdenti Nursultan Nazarbaev Astananyń bolashaq sobor meshiti qurylysynyń ornyna eskertkish kapsýlasyn ornalastyrdy jáne ony «Hazret Sultan» dep atady.
Meshittiń sáýlet jobasynyń báıgesine 26 jumys túsken. Sonyń eń úzdigi bolyp «KAZGOR» jobalaý akademııasy tańdalǵan.
Ortalyq bas meshittiń namaz oqıtyn zaly 12 buryshtan turady. 12 burysh negiziniń tóbesi 40 metrlik kúmbezben ornalasady. Meshitte bir mezgilde 5000 adam minajat ete alady.
ESІMDER
104 jyl buryn (1908-1978) ádebıet zertteýshisi, fılologııa ǵylymynyń doktory, professor, Qazaqstan Ǵylym akademııasynyń akademıgi SMIRNOVA Nına Sergeevna dúnıege keldi.
Máskeý memlekettik ýnıversıtetin jáne aspırantýrasyn bitirgen. 1939-1945 jyldary - Qazaq pedagogıkalyq ınstıtýtynyń (qazirgi Abaı atyndaǵy Qazaq ulttyq pedagogıkalyq ýnıversıteti) oqytýshysy, kafedra meńgerýshisi. 1945 jyldan Qazaqstan Ǵylym akademııasy Ádebıet jáne óner ınstıtýtynyń aǵa ǵylymı qyzmetker bolǵan. Ǵylymı-zertteý eńbekteri qazaq folklortaný ǵylymy máselelerine: qazaqtyń aýyzsha taraǵan poetıkalyq shyǵarmalarynyń tarıhı damý joldary, epos, aıtys jáne qazaq aýyz ádebıetiniń basqa janrlary, folklor men jazba ádebıetiniń baılanysy máselelerine, qazaq folklortaný tarıhyna, t.b. arnalǵan. «Qazaq ádebıetiniń tarıhy», «Qazaq folklorıstıkasy», t.b. eńbekterdi shyǵarýǵa atsalysqan. M.Áýezovpen birge epıkalyq týyndylardyń («Qambar batyr», «Qozy Kórpesh - Baıan sulý», «Alpamys batyr», «Qyz Jibek») ǵylymı basylymdaryna basshylyq jasaǵan. Jambyl shyǵarmalary týraly zertteý eńbek, Qazaqstandaǵy orys mektepteri úshin qazaq ádebıeti oqýlyqtaryn (M.Sılchenkomen birge), qazaq aýyz ádebıeti jónindegi baǵdarlamalar, aýyz ádebıetin jınaý jóninde ádisnamalyq nusqaýlar jazǵan.
54 jyl (1958) «Qazaqstan» teleradıo korporatsııasy» aktsıonerlik qoǵamynyń aımaqtyq habar taratýdy damytý dırektsııasnyń dırektory, TMD jýrnalısteri konfederatsııasy syılyǵynyń laýreaty OLJAI Qaınar Qalıaqparuly dúnıege keldi.
Shyǵys Qazaqstan oblysynda týǵan. Qazaq memlekettik ýnıversıtetin bitirgen. «Lenınshil jas» gazetiniń tilshisi, aǵa tilshisi, Ortalyq Qazaqstan boıynsha arnaýly tilshisi bolǵan. 1988-1993 jyldary - «Egemen Qazaqstan» gazetiniń tilshisi, bólim meńgerýshisi. 1993-1997 jyldary - «Atamura» gazeti redaktorynyń orynbasary, «Birlik» gazetiinń bas redaktory, «Túrkistan» gazeti redaktorynyń orynbasary. 1997 jyldan «Habar-2» kanalynyń kommentatory, dırektordyń orynbasry, dırektory, «Habar» agenttiggi» aktsıonerlik qoǵamynyń bas prodıýseri bolǵan. «Prezıdent pyraǵy» atty kitaptyń, «Myń bir maqal», «Til», «Solaı bolǵan», «Kózkórgen», «Qazaqstan», «Tórttaran», t.b. baǵdarlamalardyń avtory.
93 jyl buryn (1919-1944) Keńes Odaǵynyń Batyry NURJANOV Qazbek Bısenuly dúnıege keldi.
Qaraǵandy oblysynda týǵan. Ol 1942 jyldyń sáýirinen 5-shi atqyshtar dıvızııasyna qarasty 61-shi joıǵyshtar dıvızıonynyń quramynda bro buzǵyshtar bólimshesiniń, keıin barlaýshylar vzvodynyń komandıri bolyp urysqa qatysty. Volga, Orel, Zýsh, Desna, Soj, Dnepr, Berezına ózenderinen ótý kezderinde asqan erlik kórsetti. Volkovsk qalasyn alý kezindegi shaıqasta asqan erlik kórsetip qaza tapty. Qazir Qaraǵandy oblysynyń Aqtoǵaı aýdanynda Q.Nurjanov atyndaǵy orta mektep bar. 2008 jyly Mınsk qalasynda Uly Otan soǵysy jyldarynda qaza tapqan qazaqstandyq jaýyngerlerge eskertkish ornatylǵan.
«Lenın», «Qyzyl Juldyz», 3-shi dárejeli «Dańq» ordenimen, medaldarmen marapattalǵan.
73 jyl buryn (1939-1987) bıologııa ǵylymynyń doktory, professor, Qazaqstan Ǵylym akademııasynyń akademıgi, Lenındik syılyqtyń laýreaty AITHOJIN Murat Ábenuly dúnıege keldi.
Petropavl qalasynda týǵan. Qazaq memlekettik ýnıversıtetin, Máskeý memlekettik ýnıversıtetiniń aspırantýrasyn bitirgen. 1978-1983 jyldary - Botanıka ınstıtýtyynń dırektory. 1983-1987 jyldary - Molekýlalyq bıologııa jáne bıohımııa ınstıtýtynyń dırektory. 1986-1987 jyldary - Qazaq KSR Ǵylym akademııasynyń prezıdenti qyzmetin atqarǵan.
M.Aıtqojın kletkalyq makromolekýlalardyń sıntezi salasynda asa qundy zertteý jumystaryn júrgizdi. Eýkarıottyq kletkalarda kezdesetin kletkalyq bólshekterdiń jańa klasyn, aqparattyq rıbonýkleın qyshqyldarynyń rıbonýkleoproteıdtik túrin - ınformosomany ashqan. Aıthojın bıdaı dániniń embrıogenezi, pisip-jetilýi, tuqymnan ónýi kezinde onyń kletkalarynda júretin qubylystardy: aqparattyq rıbonýkleın qyshqyldarynyń bıogenezin, túzilýin, saqtalýyn jáne onyń qurylymdyq erekshelikterin zerttedi. Ósimdik rıbosomalarynyń fızıkalyq-hımııalyq qasıetterin anyqtap, olardyń janýar rıbosomalaryna uqsas ekenin baıqady. Janýar men ósimdik kletkalarynyń sýbbólshekterinen turatyn áreketi kúshti býdan rıbosomalar alýǵa, olardy zertteýge bolatynyn tájirıbe júzinde dáleldedi. Bul zertteýlerdiń evolıýtsııalyq teorııany damytýda úlken mańyzy boldy. Bıohımııalyq tájirıbelerdi avtomattandyrý salasynda belsendi basshylyq jasady. 1983 jyly Qazaqstan Ǵylym akademııasy janynan Molekýlalyq bıologııa jáne bıohımııa ınstıtýtyn ashqan. Osy ınstıtýt quramynda kletkalyq jáne genetıkalyq ınjenerııa, transgenoz laborotorııalaryn, Bıotehnologııa ortalyǵyn uıymdastyrǵan.
M.Aıtqojın esimi molekýlalyq bıologııa jáne bıohımııa ınstıtýtyna, Petropavl qalasyndaǵy orta mektepke berilgen. Almatyda ǵalym turǵan úıge memorıaldyq taqta ornatylǵan. Onyń esimi Qazaqstannyń qurmet kitabyna engizilgen.
«Halyqtar dostyǵy» ordenimen, Halyqaralyq beıbitshilik qorynyń Altyn medalimen marapattalǵan.
57 jyl buryn (1955) kompozıtor, Qazaqstan Kompozıtorlar odaǵynyń múshesi, Qurmanǵazy atyndaǵy Qazaq ulttyq konservatorııasy mýzykataný jáne menedjment fakýltetiniń oqytýshysy DÁLDENBAEV Beıbit Ábiluly dúnıege keldi.
Almaty oblysynda týǵan. Almaty konservatorııasyn (Qurmanǵazy atyndaǵy Qazaq ulttyq konservatorııasy) professor A.Jubanov klasy boıynsha bitirgen.
Qurmanǵazy atyndaǵy Qazaq ulttyq konservatorııasyndaǵy folklorlyq zerthananyń meńgerýshisi qyzmetin atqarǵan.
«Amangeldi sarbazdary», «Qaharmandyq freska» atty sımfonııalyq poemalardyń, «Otty jer» sımfonııasynyń, solo, hor men orkestrge arnalǵan «Dostyq urany» saltanatty odasynyń, aspaptyq pesalardyń, romanstardyń, balladalardyń, balalar horynyń, kóptegen ánderdiń, taǵy basqa mýzykalyq shyǵarmalardyń avtory.
52 jyl buryn (1960) Qazaqstan Respýblıkasy Ádilet mınıstrligi Zııatkerlik menshik quqyǵy komıteti «Ulttyq zııatkerlik menshik ınstıtýty» respýblıkalyq memlekettik qazynalyq kásipornynyń dırektory BEKENOV Syrym Erkinuly dúnıege keldi.
Aqmola oblysynda týǵan. Kókshetaý avtomehanıkalyq tehnıkýmyn, Lenındik komsomol atyndaǵy Túmen ındýstrıaldyq ınstıtýtyn, Qoja Ahmet ıAsaýı atyndaǵy Halyqaralyq qazaq-túrik ýnıversıtetin bitirgen.
«Ular» jaýapkershiligi shekteýli seriktestiginiń dırektory, «Almaty qalasy boıynsha jyljymaıtyn múlik ortalyǵy» respýblıkalyq memlekettik kásiporny tirkeý bóliminiń regıstratory, qujattardy qabyldaý bólimi meńgerýshisiniń orynbasary, baqylaý jáne marketıng ákimshiligi bóliminiń bastyǵy, «Astana qalasy boıynsha jyljymaıtyn múlik ortalyǵy» respýblıkalyq memlekettik kásipornynyń birinshi orynbasary, dırektory, «Aqparattyq-prezentatsııalyq ortalyq» respýblıkalyq memlekettik qazynalyq kásiporny bas dırektorynyń orynbasary, Astana qalasy Ádilet departamenti bastyǵynyń orynbasary, Qazaqstan Respýblıkasy Ádilet mınıstrligi zańǵa sáıkes aktiler departamentiniń dırektory, Qazaqstan Respýblıkasy Ádilet mınıstrligi Zııatkerlik menshik quqyǵy komıteti tóraǵasynyń orynbasary, Qazaqstan Respýblıkasy Ádilet mınıstrligi Zııatkerlik menshik quqyǵy komıteti «Ulttyq zııatkerlik menshik ınstıtýty» respýblıkalyq memlekettik qazynalyq kásiporny dırektorynyń orynbasary qyzmetterin atqarǵan. Qazirgi qyzmetinde - 2008 jyldyń jeltoqsan aıynan.
71 jyl buryn (1941) hımııa ǵylymynyń doktory, professor, Qazaqstan Ulttyq Ǵylym Akademııasynyń akademıgi, Qazaq KSR Mınıstrler Keńesi syılyǵynyń jáne Qazaqstan Respýblıkasynyń memlekettik syılyǵynyń laýreaty, Qanysh Sátbaev atyndaǵy syılyqtyń ıegeri PІRÁLIEV Qaldybaı Jaılaýuly dúnıege keldi.
Ońtústik Qazaqstan oblysynyń Saıram aýdanynda týǵan. Qazirgi ál-Farabı atyndaǵy Qazaq ulttyq ýnıversıtetin bitirgen. 1965-1994 jyldary - Qazaqstan Ǵylym Akademııasynyń Bekturov atyndaǵy Hımııa ǵylymy ınstıtýtynyń aǵa zerthanashysy, ınjeneri, kishi, aǵa, jetekshi, ǵylymı qyzmetkeri, zerthana meńgerýshisi. 1994-2005 jyldary - Qazaqstan Ǵylym Akademııasynyń Bekturov atyndaǵy Hımııa ǵylymdary ınstıtýty dırektorynyń orynbasary. 1994 jyldan Qazaqstan Ǵylym Akademııasynynyń Bekturov atyndaǵy hımııa ǵylymdary ınstıtýty dári-dármek hımııasy zerthanasynyń meńgerýshisi, Almaty úzdiksiz bilim ýnıversıtetiniń rektory qyzmetterin atqaryp keledi. Qazaqstan Respýblıkasy Densaýlyq saqtaý mınıstrligi Farmakopeıalyq komıtetiniń múshesi, Dıssertatsııalyq keńes tóraǵasynyń orynbasary, Respýblıkalyq irgeli zertteýler keńesiniń múshesi bolyp tabylady. Sondaı-aq «AAPS» Amerıka farmatsevtıka ǵalymdary Assotsıatsııasynyń múshesi, Qazaq KSR Mınıstrler Keńsiniń memlekettik ǵylymı stıpendııasynyń jeńimpazy. Sońǵy jyldary Amerıka azamattyq zertteýler jáne damý qorynyń (CRDF) 3 granty, AQSh-tyń Oklahoma jáne Nıý-Iork ýnıversıteti, INTAS granty boıynsha Belgııanyń Gent ýnıversıtetiniń ǵalymdarymen tyǵyz baılanysta jumystar júrgizýde. Jańa dáýirlik zattardy izdestirý jáne óndiriske engizý jolyndaǵy jetistikteri úshin Amerıka farmatsevtıka ǵalymdarynyń Assotsıatsııasyna múshelikke qabyldanǵan.
Respýblıkada tuńǵysh ret depressııaǵa qarsy jatrylaı sıntetıkalyq dárilik zat - tsefedrın óndirý men medıtsınada qoldanýdy iske asyrǵan.
Ǵalymnyń 700-ge jýyq ǵylymı eńbegi, 200-deı patenti bar. 26 hımııa ǵylymy kandıdatyn, 4 doktoryn daıarlaǵan.
«KSRO ónertapqyshy» belgisimen, medaldarmen marapattalǵan.
41 jyl buryn (1971) Qazaqstan Respýblıkasy Premer-mınıstriniń orynbasary, halyqaralyq ekonomıkalyq damý boıynsha magıstr ORYNBAEV Erbol Turmahanuly dúnıege keldi.
Ońtústik Qazaqstan oblysy Shymkent qalasynyń turǵyny. Mıhaıl Lomonosov atyndaǵy Máskeý memlekettik ýnıversıtetin, Dıýk ýnıversıtetin (AQSh, Soltústik Karolına, Darem qalasy) bitirgen. Eńbek jolyn «Aq bastaý» Shymkent bankiniń mamany bolyp bastaǵan. 1993-1995 jyldary - Máskeý qalasy «Fıýcher» bankiniń basqarma tóraǵasynyń orynbasary. 1995-1996 jyldary - Shymkent qalasyndaǵy «Weikfield Inspection Services Ltd.» Lıverpýldik sertıfıkattalǵan maqta kompanııasy bas dırektory. 1996-1997 jyldary - Ońtústik Qazaqstan oblysy ákiminiń orynbasary. 1997-1998 jyldary - Qazaqstan Respýblıkasy Kóshiqon jáne demografııa jónindegi agenttigi tóraǵasynyń orynbasary mindetin atqarýshy. 1998 jyly - Qazaqstan Respýblıkasy strategııalyq josparlaý jáne reforma jónindegi agenttigi bıýdjettik baǵdarlamalaý basqarmasynyń bastyǵy, Qazaqstan Respýblıkasy Prezıdenti Keńsńsiniń bas eksperti. 1998-1999 jyldarym- Qazaqstan Respýblıkasy Prezıdenti ákimshiliginiń áleýmettik ekonomıkalyq reformalar máseleleri jónindegi bólimi meńgerýshisiniń orynbasary. 1999-2000 jyldary - Qazaqstan Respýblıkasy memlekettik ister jónindegi agenttigi memlekettik qyzmetti quqyqtyq qamtamasyz etý departamentiniń dırektory. 2002 jyly - Qazaqstan Respýblıkasy Memlekettik ister jónindegi agenttigi tóraǵasynyń kómekshisi. 2002-2003 jyldary - Qazaqstan Respýblıkasy Ekonomıka jáne bıýdjettik josparlaý vıtsemınıstri. 2003-2004 jyldary - «Marketıngtik saraptamalyq zertteýler ortalyǵy» AQ basqarmasynyń tóraǵasy. 2004-2005 jyldary - Qazaqstan Respýblıkasy Prezıdenti ákimshiligi basshysynyń orynbasary- ekonomıkalyq saıasat basqarmasynyń bastyǵy. 2005-2006 jyldary - Qazaqstan Respýblıkasy Prezıdenti ákimshiligi Áleýmettikekonomıkalyq qabyldaý bóliminiń meńgerýshisi. 2006-2007 jyldary - Qazaqstan Respýblıkasy Prezıdenti ákimshiligi basshysynyń orynbasary. 2007-2008 jyldary - Qazaqstan Respýblıkasy Premer-mınıstri kantselıarııasynyń bastyǵy. 2008 jyly - Qazaqstan Respýblıkasy Premer-mınıstrdiń orynbasary. Qazirgi qyzmetinde 2011 jyldyń sáýirinen bastap isteıdi.
2009 jyldyń qazanynan bastap Astana jańa ýnıversıteti AQ (2010 jyldyń maýsymynan «Nazarbaev Ýnıversıteti» AQ), dırektorlar keńesiniń múshesi, «SK-Farmatsııa»m JShS qadaǵalaý keńesiniń tóraǵasy bolyp tabylady.
41 jyl buryn (1971) zań ǵylymynyń doktory, Leıden (Nıderandııa) ýnıversıtetiniń zań fakýlteti shyǵaratyn «Review of Central and East European Law» ǵylymı jýrnalynyń redaktsııalyq keńesiniń múshesi, Kaspıı qoǵamdyq ýnıversıtetiniń professory QARAǴUSOV Farhad Sergeıuly dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetiniń zań fakýltetin, Qazaqstan Respýblıkasy Ulttyq Ǵylym Akademııasy Memleket jáne quqyq ınstıtýtynyń aspırantýrasyn bitirgen. Brıtandyq keńes baǵdarlamasy sheńberinde Alen&Overı halyqaralyq zańgerlik fırmasynyń Londondaǵy ofısinde synaq merziminen ótken. 1993-1996 jyldary - Qazaqstan Respýblıkasy Ulttyq Ǵylym Akademııasy Memleket jáne quqyq ınstıtýtynyń ǵylymı qyzmetkeri, bólim meńgerýshisiniń mindetin atqarýshysy. 1996-1997 jyldary - Qazaqstan Respýblıkasy Prezıdenti Ákimshiliginiń zańnama bólimi sektorynyń aǵa sarapshysy, meńgerýshisi. 1997-1998 jyldary - «Qarjy naryqtary ınstıtýty» qoǵamdyq qorynyń prezıdenti. 1998-2000 jyldary - «Kýder Brozers» halyqaralyq zań fırmasynyń Almatydaǵy ofısiniń zańgeri. 2000-2006 jyldary - «Qazaqstan halyq banki» AQ basqarmasy tóraǵasynyń keńesshisi, zań departamentiniń dırektory, basqarýshy dırektory. 2006-2007 jyldary - «Beıker jáne Makenzı» kompanııasynyń keńesshisi. 2007-2009 jyldary - «Qazaqstan halyq banki» AQ bas zań keńesshisi. 2008 jyldan - Kaspıı qoǵamdyq ýnıversıtetiniń professory, 2010 jyldyń shildesinen - «Sky Bridge Capital» JShS-niń quqyq jónindegi basqarýshy dırektory.
«Qazaqstan Respýblıkasyndaǵy qundy qaǵazdardyń quqyqtyq tártibi», «Investıtsııalyq qorlar: saýaldar men jaýaptar», t.b. kitaptarynyń jáne Qazaqstanda, taıaý jáne alys shetelderde qazaq, aǵylshyn tilderinde jarııalanǵan eńbek qatynasyna, valıýta jáne banki zańnamalaryna, azamattyq quqyq máselelerine arnalǵan 80 ǵylymı maqalanyń avtory. Sonymen qatar Qazaqstan Respýblıkasynyń Azamattyq quqyq jónindegi oqý quralyn daıyndaǵan avtorlyq ujymnyń quramynda bolǵan.
«Qurmet» ordenimen, medalmen marapattalǵan.
