29 qyrkúıekte Qazaqstanda ótetin mańyzdy oqıǵalarǵa sholý

ASTANA

10.00-de EKSPO-saıabaqtaǵy Beıbitshilik jáne kelisim alleıasynda Qazaqstan halqy Assambleıasy, Esil jáne Almaty aýdandarynyń ákimdikteri Astananyń 20 jyldyǵyna arnap «Gúldene ber, Astana!» atty ekologııalyq aktsııa ótkizedi. 

11.00-de «Astananyń Rotary klýby» qoǵamdyq birlestigi astanalyq ákimdikpen birlesip, múmkindigi shekteýli balalarǵa yńǵaıly Astanadaǵy alǵashqy «Kunshyaq» ınklıýzıvti balalar alańqaıyn ashady. 

12.00-de Nazarbaev Ýnıversıtetinde Astana Atrium Games kıbersport týrnıri jáne Ashyq esik kúnderi ótedi. 

13.00-de Táýelsizdik saraıynda QR Tuńǵysh Prezıdenti - Elbasy qory «Rocket Study» mektebimen jastarǵa arnalǵan «Rocketfest» oıyn-saýyq jáne bilim berý festıvalin ótkizedi. 

ALMATY

9:00-de «Atakent» kórme kesheninde áıelder arasynda júgirýden jarys ótedi. 350 áıel saıabaqty eki ret aınalyp, shamamen 8 shaqyrym júgirip ótedi. 

10:00-de Narhoz ýnıversıtetiniń stadıonynda «Asyl mura» baǵdarlamasy aıasynda meshit qyzmetkerleri arasynda spartakıada ótedi. 

11:00-de «Balýan Sholaq» sport kesheninde Qazaqstannyń sport delegatsııasyn Djakartaǵa ІІІ Para Azııa oıyndaryna resmı shyǵaryp salý rásimi ótedi. 

11:00-de Esentai Mall-da Almaty Urban Farm Festival birinshi qala fermerligi festıvali bastalady. 

11:00-de QR Ortalyq memlekettik mýzeıinde Otbasy kúnine arnalǵan «Otbasymyzben mýzeıge» festıvali ashylady. 

11:00-de Qazaqstan menedjment, ekonomıka jáne boljaý ınstıtýtynda «Otbasy kúnine» arnalǵan merekelik shara ótedi. 

12:00-de «Astana» alańynan altynshy ret ótetin «Týr Almaty» halyqaralyq kásibı tasjol velojarysy bastalady. 

QYZYLORDA

9:00-de Qyzylorda qalasynyń 200 jyldyǵyna oraı qala ortalyǵynda aýyl sharýashylyǵy ónimderiniń oblystyq jármeńkesi ótedi. 

10:00-de qalalyq ıppodromda «Syr tulpary» at báıgesi bastalady. 

17:00-de «Eýrazııa» sport kesheninde túıe palýandar saıysy ótedi.