29 qyrkúıek kúni respýblıkanyń keı aımaqtarynda jańbyr jaýady
ASTANA. QazAqparat - 29 qyrkúıek kúni Qazaqstannyń kóptegen bólikterinde aýa raıy jaýyn-shashynsyz bolady. Respýblıkanyń soltústiginiń keı jerlerinde jańbyr jaýady, ońtústik-shyǵysynyń taýly aımaqtarynda jaýyn-shashyn bolyp, keı jerlerinde tuman, ekpindi jel bolady, ońtústiginiń keı jerlerinde shańdy daýyl kóteriledi.
Bul týraly Qazgıdromet habarlady.
Jambyl oblysynyń keı jerlerinde jel 18-23 m/s kúsheıedi, túnde jáne tańerteń keı jerlerinde tuman kútiledi. Ońtústik Qazaqstan oblysynyń keı jerlerinde jel 15-20, ekpini 23-28 m/s kúsheıedi. Qyzylorda oblysynyń keı jerlerinde jel shańdy daýylmen 15-20 m/s kúsheıedi. Kúndiz Mańǵystaý, Atyraý oblystarynyń keı jerlerinde jel 15-20 m/s kúsheıedi. Soltústik Qazaqstan oblysynyń keı jerlerinde tuman kútiledi, kúndiz jel 15-20 m/s kúsheıedi. Shyǵys Qazaqstan oblysynda, túnde jáne tańerten Aqmola, Qaraǵandy, Almaty oblystarynyń keı jerlerinde tuman kútiledi.
Túnde Almaty, Jambyl, Ońtústik Qazaqstan, Qyzylorda oblystarynyń keı jerlerinde 1-3 gradýsqa deıin kún sýytady.
Qyzylorda oblysynda, Ońtústik Qazaqstan, Batys Qazaqstan, Qaraǵandy, Qostanaı, Aqtóbe oblystarynyń keı jerlerinde óte joǵary órt qaýpi saqtalady.
