29 qyrkúıek kúni elordada ótetin mańyzdy sharalar ańdatpasy
09.00-de Úkimet úıinde Úkimet otyrysy ótedi. Kún tártibinde epıdemıologııalyq jaǵdaı, jylytý maýsymyna ázirlik, ınternetke keńjolaqty qoljetimdilikti qamtamasyz etý máseleleri talqylanady. Úkimet otyrysy PrimeMinister.kz saıtynda jáne áleýmettik jelidegi resmı akkaýnttarynda onlaın rejımde kórsetiledi.
11.00-de «Astana-Teplotranzıt» AQ jylý energııasynyń tarıfin bekitý týraly qoǵamdyq tyńdaý bolady. Qoǵamdyq tyńdaý onlaın, ári offlaın rejıminde ótedi.
12.00-de ákimdiginiń baspasóz ortalyǵynda «Nur-Sultan qalasyndaǵy epıdemıologııalyq ahýal jáne elordadaǵy kezekshi synyptardaǵy sanıtarlyq-epıdemıologııalyq talaptardyń saqtalýy taqyrybynda» onlaın brıfıng ótedi. Onlaın baspasóz máslıhaty qala ákimdiginiń Facebook-tegi paraqshasynda tikeleı efırde ótedi.
12.20-da QR Prezıdenti janyndaǵy «Ortalyq kommýnıkatsııalar qyzmeti» alańynda «Memleket basshysynyń Joldaýynda tsıfrlandyrý salasyndaǵy ózekti máseleleri boıynsha kórsetilgen tapsyrmalaryn iske asyrý» taqyrybynda baspasóz konferentsııasy ótedi. Spıker: Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın.
14.00-de Eýrazııa ulttyq ýnıversıtetiniń rektory Erlan Sydyqovtyń jyl saıynǵy halyqqa esep berý kezdesýi ótedi. Onlaın qosylý myna siltemede.
15.00-de «Jańa gýmanıtarlyq bilim. Qazaq tilindegi 100 jańa oqýlyq» – pragmatızm men sananyń ashyqtyǵyna aparar jol» taqyrybynda baspasóz týry ótedi. Baspasóz týry ZOOM konferentsııa arqyly tikeleı efırge shyǵarylady.
