29 kúdikti ustaldy: 10 óńirdegi uıymdasqan qylmysqa qarsy operatsııa
ASTANA. KAZINFORM — UQK, ІІM jáne prokýratýranyń birlesken operatsııasy barysynda 10 óńirde 29 adam ustalyp, zańsyz aınalymnan qarý-jaraq pen oq-dáriler tárkilendi. Bul týraly UQK-niń baspasóz qyzmeti málimdedi.
— Ulttyq qaýipsizdik komıteti Іshki ister mınıstrligimen birlese jáne prokýratýranyń úılestirýimen elimizdiń 10 óńirinde uıymdasqan qylmystyq top qatysýshylarynyń, shekara mańyndaǵy, sondaı-aq qylmystyq-atqarý júıesi mekemelerindegi qylmystyq shemalardyń zańsyz áreketiniń jolyn kesý boıynsha bir mezgilde arnaıy operatsııa júrgizdi, — delingen habarlamada.
Aýyr jáne asa aýyr qylmystar jasady degen kúdikpen 29 adam ustalyp, jetkizildi, onyń 9-y ýaqytsha ustaý ızolıatoryna qamaldy.
Operatsııa barysynda zańsyz aınalymnan 25 birlik qarý, 2 granata jáne 236 birlik oq-dári tárkilendi.
Atalǵan faktiler boıynsha sotqa deıingi tergep-tekserýler júrgizilip jatyr.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Buǵan deıin UQK 24 qylmystyq toptyń zańsyz áreketine tosqaýyl qoıǵan bolatyn.
