29 qyrkúıekte Qazaqstannyń birqatar óńirinde qatty jańbyr, qar, burshaq jaýady

ASTANA. KAZINFORM – «Qazgıdromet» RMK dereginshe, 29 qyrkúıekte Qazaqstan aýmaǵynyń basym bóliginde qaýipti meteorologııalyq qubylystar boljanyp otyr.

Atmosferalyq frontaldy bólikterdiń ótýine baılanysty shyǵysta jáne ortalyqta qatty jańbyr jaýyp, soltústikte jáne ortalyq óńirlerde jańbyr qarǵa aýysýy yqtımal.

Ońtústikte jáne shyǵysta naızaǵaı oınap, shyǵysta burshaq pen daýyl boljanady.

Eldiń batysynda ǵana jaýyn-shashynsyz aýa raıy kútiledi.

Respýblıka boıynsha jel kúsheıip, túnde jáne tańerteń tuman túsedi.

Úsik:
– Aqmola oblysynyń batysy, soltústigi men shyǵysynda;
– Batys Qazaqstan oblysynyń batysy men soltústiginde;
– Qostanaı oblysynyń batysy men soltústiginde;
– Aqtóbe jáne Pavlodar oblystarynyń soltústiginde túnde 3°S aıaz kútiledi.

Órt qaýpi joǵary:
– Batys Qazaqstan oblysynyń soltústiginde;
– Atyraý oblysynyń soltústik-shyǵysynda;
– Mańǵystaý oblysynyń soltústigi men ońtústik-shyǵysynda;
– Aqtóbe oblysynyń ońtústiginde.

Tótenshe órt qaýpi:
– Túrkistan jáne Qyzylorda oblystarynda;
– Atyraý oblysynyń soltústigi, ońtústigi jáne shyǵysynda;
– Jambyl oblysynyń batysy, soltústigi jáne ortalyǵynda;
– Batys Qazaqstan oblysynyń shyǵysynda;
– Aqtóbe oblysynyń batysy, soltústigi, soltústik-shyǵysy jáne ortalyǵynda;
– Almaty oblysynyń soltústiginde;
– Qaraǵandy, Qostanaı oblystarynyń ońtústiginde;
– Ulytaý oblysynda.

«Qazgıdromet» azamattardy aýa raıynyń qolaısyz jaǵdaılarynda saqtyq sharalaryn ustanýǵa shaqyrady.

Aıta keteıik, buǵan deıin Qazaqstannyń astanasynda jáne 17 óńirinde jańbyr men qar jaýyp, úsik júretini habarlandy.