29 qyrkúıek. Kazinform kúntizbesi. Tulǵalar týǵan kún

Ýálıhan TÓREHANOV, Qazaqstan Respýblıkasynyń Tájikstan Respýblıkasyndaǵy Tótenshe jáne Ókiletti Elshisi

1968 jyly Shymkent qalasynda dúnıege kelgen. M.Áýezov atyndaǵy Shymkent pedagogıkalyq ınstıtýtyn jáne Qaraǵandy ekonomıkalyq ýnıversıtetin bitirgen.

Eńbek jolyn tarıh pániniń oqytýshysy bolyp bastaǵan. Qazaqstan Respýblıkasy Syrtqy ister mınıstrliginiń kadrlar basqarmasynyń Ortalyq apparaty men oqý oryndarynyń bólimin basqardy. Kadrlar basqarmasynyń bastyǵy, QR SІM apparaty basshysynyń orynbasary, Ákimshilik jáne baqylaý departamentiniń, sondaı-aq TMD departamentiniń dırektory boldy. Soltústik Qazaqstan oblysy ákimi apparatynyń Ekonomıkalyq saıasat jáne saýda departamenti bastyǵynyń orynbasary, QR SІM Ortalyq Azııa departamentiniń dırektory qyzmetterin atqarǵan.

Qazirgi qyzmetin 2022 jylǵy naýryzdan bastap atqaryp keledi.

Sarhat BEISENOVA, Qazaqstan Respýblıkasy Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń tóraǵasy — Qazaqstan Respýblıkasynyń Bas memlekettik sanıtarııalyq dárigeri

1972 jyly dúnıege kelgen. 1996 jyly Qaraǵandy memlekettik medıtsına ınstıtýtyn «Dáriger-gıgıenıst-epıdemıolog» mamandyǵy boıynsha, 2015 jyly Turan-Astana ýnıversıtetin «Quqyqtaný» mamandyǵy boıynsha bitirgen.

Eńbek joly: 1998-1999 jyldary oblystyq ishki ister basqarmasynda sanıtarııalyq dáriger bolyp eńbek etti. 1999-2003 jyldary Astana qalasy sanıtarııalyq-epıdemıologııalyq qadaǵalaý basqarmasynyń epıdemıologııa bóliminiń meńgerýshisi, 2003-2007 jyldary Astana qalasy sanıtarııalyq-epıdemıologııalyq qadaǵalaý departamentiniń epıdemıologııalyq qadaǵalaý bóliminiń bastyǵy, 2007-2009 jyldary Astana qalasy sanıtarııalyq-epıdemıologııalyq qadaǵalaý departamenti dırektorynyń orynbasary, 2009-2011 jyldary QR Densaýlyq saqtaý mınıstrligi Memlekettik sanıtarııalyq-epıdemıologııalyq qadaǵalaý komıtetiniń Astana qalasy boıynsha departamenti dırektorynyń orynbasary, 2011-2014 jyldary Qazaqstan Respýblıkasy Densaýlyq saqtaý mınıstrligi Memlekettik sanıtarııalyq-epıdemıologııalyq qadaǵalaý komıtetiniń Astana qalasy boıynsha departamentiniń dırektory boldy. 2014-2015 jyldary Qazaqstan Respýblıkasy Tutynýshylardyń quqyqtaryn qorǵaý agenttiginiń Astana qalasy boıynsha Tutynýshylardyń quqyqtaryn qorǵaý departamentiniń basshysy, 2015-2017 jyldary Qazaqstan Respýblıkasy Ulttyq ekonomıka mınıstrligi Tutynýshylardyń quqyqtaryn qorǵaý komıtetiniń Astana qalasy boıynsha Tutynýshylardyń quqyqtaryn qorǵaý departamenti basshysynyń orynbasary bolyp qyzmet atqardy. 2017-2019 jyldary Qazaqstan Respýblıkasy Densaýlyq saqtaý mınıstrligi Qoǵamdyq densaýlyq saqtaý komıtetiniń Astana qalasy boıynsha Qoǵamdyq densaýlyq saqtaý departamenti basshysynyń orynbasary, 2019-2020 jyldary Qazaqstan Respýblıkasy Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń Astana qalasy boıynsha Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary boldy. 2020-2024 jyldary Qazaqstan Respýblıkasy Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń Astana qalasy boıynsha sanıtarııalyq-epıdemıologııalyq baqylaý departamentiniń basshysy qyzmetterin atqardy.

Qazirgi qyzmetin 2024 jylǵy qyrkúıek aıynan bastap atqaryp keledi.

Gadjı GADJIEV, Qazaqstan Halyq Keńesiniń múshesi

1974 jyly dúnıege kelgen. 2009 jyly Basqarý jáne bıznes ınstıtýtyn; Qarjy jáne quqyq ınstıtýtyn «Qarjy jáne nesıe» mamandyǵy boıynsha, 2013-2015 jyldary Qazaq qatynas joldary ýnıversıtetin «Kólik qurylysy» mamandyǵy boıynsha, 2016 jyly Qazaq qatynas joldary ýnıversıtetiniń magıstratýrasyn «Kólik qurylysy» mamandyǵy boıynsha, 2019 jyly Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn «Іskerlik ákimshilendirý magıstri» (Master of Business Administration) baǵdarlamasy boıynsha bitirgen.

Eńbek joly: 1994 jyly Qazaqstan Respýblıkasynda jáne Qytaı Halyq Respýblıkasynda kommertsııalyq salada eńbek etken. 2015-2017 jyldary «Jol Jóndeýshi» kompanııasy» JShS-nyń basqarýshy dırektory, 2016-2017 jyldary «Naıza-Qurylys» kontserniniń baıqaý keńesiniń tóraǵasy, 2017 jyldan bastap «SA construction group» JShS-nyń bas dırektory boldy. 2018 jyldan bastap Qazaqstan Respýblıkasynyń Penchak Sılat qaýymdastyǵynyń prezıdenti, Aýyr atletıka federatsııasynyń birinshi vıtse-prezıdenti, Qazaqstan Respýblıkasy Ulttyq Olımpıada komıtetiniń Atqarýshy komıtetiniń múshesi, 2024 jylǵy jeltoqsannan bastap Qazaqstannyń aýyr atletıka federatsııasynyń prezıdenti qyzmetine taǵaıyndaldy. 2025 jylǵy sáýirden bastap Ulttyq Olımpıada komıtetiniń vıtse-prezıdenti boldy.

Qazirgi qyzmetin 2026 jylǵy qyrkúıek aıynan bastap atqaryp keledi.

«Parasat» ordenimen marapattalǵan.

Qambar OMAROV, Qazaqstan Respýblıkasy Ulttyq kásipkerler palatasy «Atameken» prezıdıýmy janyndaǵy Korporatıvtik basqarý jónindegi ulttyq keńestiń tóraǵasy

1975 jyly Jambyl oblysynyń Jańatas qalasynda dúnıege kelgen. Qazaq polıtehnıkalyq ınstıtýtynyń Jambyl ýnıversıtetindegi Qarataý fılıalyn, T.Rysqulov atyndaǵy Qazaq ekonomıkalyq ýnıversıtetiniń aspırantýrasyn bitirgen.

Eńbek jolyn 1993-1995 jyldary Jańatas qalasyndaǵy «Qarataýhımstroı» tresiniń «Kók-Djon» PMK-da materıaldyq býhgalter bolyp bastaǵan. 1995-1998 jyldary Jambyl oblystyq statıstıka jáne taldaý basqarmasynyń ekonomısi, 1998-2000 jyldary Qazaq memlekettik basqarý akademııasynyń «Ekonomıkany memlekettik retteý» kafedrasynyń oqytýshysy, 2002-2006 jyldary Respýblıkalyq bıýdjettiń atqarylýyn baqylaý jónindegi Esep komıtetiniń memlekettik revızor-konsýltanty, bas sarapshy-bas memlekettik revızory boldy. 2006-2008 jyldary Astana qalasyndaǵy «Punjab National Bank» enshiles bankiniń fılıaly dırektorynyń orynbasary, 2008-2009 jyldary Respýblıkalyq bıýdjettiń atqarylýyn baqylaý jónindegi Esep komıtetiniń jıyntyq-taldaý bóliminiń meńgerýshisiniń orynbasary, 2009-2015 jyldary Respýblıkalyq bıýdjettiń atqarylýyn baqylaý jónindegi Esep komıtetiniń jıyntyq-taldaý bóliminiń meńgerýshisi, shyǵystardy baqylaý bóliminiń meńgerýshisi, kvazımemlekettik sektor sýbektilerin baqylaý bóliminiń meńgerýshisi, quqyqtyq tártip pen qorǵanys kesheni salasyndaǵy baqylaý bóliminiń meńgerýshisi, memlekettik baqylaý bóliminiń meńgerýshisi qyzmetterin atqardy. 2015-2016 jyldary Respýblıkalyq bıýdjettiń atqarylýyn baqylaý jónindegi Esep komıtetiniń kadr jáne ákimshilik jumys bóliminiń meńgerýshisi, 2016 jyly Respýblıkalyq bıýdjettiń atqarylýyn baqylaý jónindegi Esep komıtetiniń uıymdastyrý-baqylaý jáne kadr jumysy bóliminiń meńgerýshisi, 2016-2017 jyldary Respýblıkalyq bıýdjettiń atqarylýyn baqylaý jónindegi Esep komıtetiniń qarjyny basqarýǵa memlekettik aýdıt júrgizý bóliminiń meńgerýshisi boldy. 2017 jyly Respýblıkalyq bıýdjettiń atqarylýyn baqylaý jónindegi Esep komıtetiniń memlekettik aýdıt bóliminiń basshysy, 2017-2018 jyldary «Qazaqstan ınjınırıng» ulttyq kompanııasy» AQ basqarýshy dırektory, basqarma múshesi, 2018-2019 jyldary «Antalııa Bronz Kastıng» korporatsııasy» JShQ-nyń ekonomıka jáne qarjy jónindegi vıtse-prezıdenti bolyp taǵaıyndaldy. 2019-2020 jyldary «CSI top — Strategııalyq bastamalar ortalyǵy» konsaltıngtik kompanııasynyń seriktesi, bas dırektory, 2020 jyldan bastap CSI tobynyń basqarýshy seriktesi, «Qazaqstan sportyn transformatsııalaý» jobasynyń jetekshisi, 2021-2022 jyldary «QazAqparat» halyqaralyq aqparat agenttigi» AQ dırektorlar keńesiniń táýelsiz dırektory, múshesi boldy. 2022 jyly «Jasyl damý» AQ dırektorlar keńesiniń múshesi, táýelsiz dırektory, 2025-2026 jyldary «Azamattarǵa arnalǵan úkimet» memlekettik korporatsııasy» KEAQ dırektorlar keńesiniń tóraǵasy qyzmetterin atqarǵan.

Qazirgi qyzmetin 2026 jylǵy sáýir aıynan bastap atqaryp keledi.

«Eren eńbegi úshin», «Qazaqstan Respýblıkasynyń Táýelsizdigine 20 jyl», «Qazaqstan Konstıtýtsııasyna 20 jyl», «Qarjy saqshysy» II jáne III dárejeli, «Qazaqstan Respýblıkasynyń Konstıtýtsııasyna 10 jyl», «Abaı 175 jyl» medaldarymen marapattalǵan.

Nurbol NURSAǴATOV, Almaty qalasy qurylys basqarmasynyń basshysy

1981 jyly Shyǵys Qazaqstan oblysynda dúnıege kelgen. 2003 jyly E.A.Bóketov atyndaǵy Qaraǵandy memlekettik ýnıversıtetin «Ekonomıst-menedjer» mamandyǵy boıynsha, 2005 jyly L. V. Gocharov atyndaǵy Qazaq avtomobıl-jol ýnıversıtetin «Injener» mamandyǵy boıynsha bitirgen.

Eńbek joly: 2005-2008 jyldary Astana qalasy ákimdiginiń Memlekettik sáýlet-qurylys baqylaý basqarmasynda bas maman, bólim basshysy, dırektordyń orynbasary boldy. 2008-2011 jyldary Astana qalasy ákimdiginiń Qurylys basqarmasy basshysynyń orynbasary, 2011-2012 jyldary Qazaqstan Respýblıkasy Aýyl sharýashylyǵy mınıstrligi Sý resýrstary komıteti tóraǵasynyń orynbasary, 2014-2019 jyldary Shyǵys Qazaqstan oblysy ákimdiginiń Kólik jáne avtomobıl joldary basqarmasynyń, Almaty qalasy ákimdiginiń Qurylys basqarmasynyń, Astana qalasy ákimdiginiń Qorshaǵan ortany qorǵaý basqarmasynyń basshysy qyzmetine taǵaıyndaldy. 2020 jylǵy aqpannan 2021 jylǵy jeltoqsanǵa deıin Astana qalasynyń «Baıqońyr» aýdanynyń ákimi, 2021 jylǵy jeltoqsannan 2022 jylǵy shildege deıin Astana qalasynyń «Almaty» aýdanynyń ákimi, 2022 jyly Abaı oblysy ákiminiń orynbasary, 2022 jylǵy qazannan 2024 jylǵy jeltoqsanǵa deıin Semeı qalasynyń ákimi qyzmetterin atqarǵan.

Qazirgi qyzmetin 2026 jylǵy mamyr aıynan bastap atqaryp keledi.

Qanat ShEKQALIEV, QR Syrtqy ister mınıstriniń Keńsesiniń basshysy

1983 jyly dúnıege kelgen. Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetin «Halyqaralyq quqyq» mamandyǵy boıynsha, Atyraý munaı jáne gaz ýnıversıtetin, 2016 jyly Belostok qalasyndaǵy Joǵary ekonomıka mektebin (Polsha Respýblıkasy) «Halyqaralyq ekonomıka» baǵyty boıynsha magıstr dárejesimen bitirgen.

Eńbek joly: 2005-2007 jyldary Qazaqstan Respýblıkasy Syrtqy ister mınıstrliginiń Konsýldyq qyzmet departamentiniń mamany boldy. 2007-2008 jyldary QR SІM Kópjaqty yntymaqtastyq departamentiniń attashesi, 2008 jyly QR Premer-Mınıstri Keńsesinde qyzmet atqarǵan. 2008-2011 jyldary Syrtqy baılanystar jáne hattama bóliminiń hattama sektorynyń bas sarapshysy, 2011-2012 jyldary Syrtqy baılanystar jáne hattama bóliminiń hattama sektorynyń meńgerýshisi, 2012-2013 jyldary Syrtqy baılanystar jáne hattama bólimi meńgerýshisiniń orynbasary qyzmetterin atqardy. 2013-2014 jyldary Qazaqstan Respýblıkasy Premer-Mınıstriniń kómekshisi, 2014-2016 jyldary Qazaqstan Respýblıkasy Qorǵanys mınıstriniń keńesshisi, QR Qorǵanys mınıstrliginiń Ákimshilik departamentiniń dırektory, 2016-2017 jyldary QR Premer-Mınıstri Keńsesiniń Áleýmettik-ekonomıkalyq bóliminiń bas konsýltanty boldy. 2017-2018 jyldary QR Premer-Mınıstri Keńsesiniń Jobalyq basqarý ortalyǵynyń bas konsýltanty, 2018 jylǵy aqpannan 2021 jylǵy qyrkúıekke deıin Qazaqstan Respýblıkasynyń Reseı Federatsııasyndaǵy Astrahan qalasyndaǵy konsýly, QR-nyń Reseı Federatsııasyndaǵy Elshiliginiń Keńesshi-ýákili qyzmetine taǵaıyndaldy. 2021 jylǵy qyrkúıekten 2022 jylǵy qyrkúıekke deıin «QTJ» UK» AQ Shet memleketterdiń temirjol kompanııalarymen ózara is-qımyl jáne hattama departamentiniń dırektory, 2022 jylǵy qyrkúıekten 2023 jylǵy aqpanǵa deıin QR SІM Memlekettik hattama qyzmeti bastyǵynyń orynbasary, 2023 jylǵy aqpannan 2025 jylǵy qarashaǵa deıin QR SІM Qamtamasyz etý jáne qujat aınalymy departamentiniń dırektory qyzmetterin atqarǵan.

Qazirgi qyzmetin 2025 jylǵy qarasha aıynan bastap atqaryp keledi.