29 qarashada Qazaqstannyń basym bóliginde qarly burqasyn, tuman, kóktaıǵaq bolady dep kútilýde
ASTANA. 28 qarasha. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, 29 qarashada Qazaqstannyń basym bóliginde tsıklon yqpaly jáne onymen baılanysty aýa aǵyndary áser etip, keı jerlerde jaýyn-shashyn jaýyp, qarly burqasyn, tuman jáne kóktaıǵaq bolady dep kútilýde.
Jambyl, Ońtústik Qazaqstan, Qyzylorda oblystarynda keı jerlerde tuman túsip, kóktaıǵaq ornaıdy, jeldiń ekpini 15-20 m/s-qa deıin kúsheıedi. Jambyl oblysynda 25 m/s deıin jyldamdyqpen jel soǵady dep kútilýde.
Almaty oblysynyń jekelegen aýdandarynda 15-20 m/s jyldamdyqpen jel soǵady.
Qostanaı, Soltústik Qazaqstan, Aqmola, Shyǵys Qazaqstan oblystarynda, kúndiz Pavlodar, Qaraǵandy oblystarynda qarly burqasyn bolyp, jeldiń jyldamdyǵy 15-20 m/s-qa deıin kúsheıedi.
Atyraý oblysy, tańerteń Mańǵystaýda tuman túsedi dep kútilýde.
Batys Qazaqstan oblysynyń birqatar aımaqtarynda kóktaıǵaq ornaıdy.
Aldaǵy táýlikte eldiń soltústik, ortalyq, shyǵysyndaǵy sýly nysandarynda jáne respýblıkanyń ońtústik-shyǵysyndaǵy jekelegen ózenderde muz qatý jalǵasady. Soǵan baılanysty eldiń ońtústik-shyǵys jáne shyǵysyndaǵy taýly ózenderde sý deńgeıiniń aýytqýshylyǵy baıqalady.
