Búgin Qazaqstan aýmaǵynda tuman túsip, jel kúsheıedi, kóktaıǵaq bolady

Qazgıdromet el aýmaǵynda 29 qarashada bolatyn qaýipti meteorologııalyq qubylystarǵa boljam jasady, dep habarlaıdy Kazinform.

Sınoptıkterdiń málimetinshe, respýblıkanyń basym bóliginde tsıklonnyń jáne onymen baılanysty atmosferalyq fronttardyń yqpalymen jaýyn-shashyn (jańbyr, qar túrinde) jaýady.

"Elimizdiń ońtústik-shyǵys taýly aýdandarynda qatty jaýyn-shashyn, ońtúsiginde jańbyr, ońtústiktiń taýly aýdandarynda qatty jańbyr jaýady. Tek qıyr batysta, shyǵysta jaýyn-shashynsyz aýa raıy kútiledi", - dep jazdy vedomstvodan.

Ondaǵy derekke qaraǵanda, Qazaqstan boıynsha tuman bolyp, jel kúsheıedi, elimizdiń soltústik-batysy men soltústiginde kóktaıǵaq bolady.