29 qarasha. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
29 qarasha. JEKSENBІ
Halyqaralyq Palestına halqymen yntymaq kúni. 1947 jyldyń osy kúni BUU Bas assambleıasy Palestınany bólý týraly qarar qabyldady. 1977 jyly BUU-nyń Bas Assambleıasy jyl saıyn 29 qarashany «Halyqaralyq Palestına halqymen yntymaq kúni» retinde atap ótýge qaýly qabyldaıdy.
Albanııa azattyǵy kúni. Eldiń fashıst basqynshylarynan azat etilýi qurmetine atap ótiledi. Ekinshi Dúnıejúzilik soǵys jyldarynda Albanııany fashıstik Italııa áskerleri jaýlap alady. 1944 jylǵy 11 qyrkúıekte olarǵa fashıstik Germanııa áskerleri qosylady. Osylaısha, nemister odaqtastarǵa Grekııa aýmaǵynan ıÝgoslavııaǵa ótip ketýge kedergi jasaımyz dep úmittendi. Kommýnıster kósemi E.Hodja bastaǵan partızandar armııasy 1944 jylǵy 28 qarashada Shkoder qalasyn azat etedi, al eldiń búkil aýmaǵy basqynshylardan erteńgi kúni tolyqtaı tazartylady.
ESTE QALAR OQIǴALAR
2 1 jyl buryn (1994) Almatyda Qazaqstandaǵy úndi ádebıetiniń kúnderi bastaldy.
20 jyl buryn (1995) Almaty saýda-qarjy banki quryldy.
1 1 jyl buryn (2004) Jambyl oblysynda baıytylǵan belokty azyqtyq ónim óndiretin zaýyt ashyldy. Ol qazirgi zamanǵy tehnologııa boıynsha salynǵan jáne álemdik aldyńǵy qatarly óndirýshilerdiń avtomattandyrylǵan jabdyqtarymen jaraqtanǵan. Zaýyt óniminiń quramyna dymqyl proteın, azotsyz ekstrabelsendi zattar, maı, kletchatka, kúl, dárýmender men mıkrobólshekter kiredi. Mundaı azyq qus-janýarlarǵa mol qýatty qorek berip, múıizdi iri qaranyń salmaq qosýyna tıimdi áserin tıgizedi, sút saýynyn 10-18 paıyzǵa, taýyqtardyń jumyrtqalaýyn - 15 paıyzǵa arttyrady.
10 jyl buryn (2005) Aqtóbe oblysynda kásipkerlikti qoldaýdyń aımaqtyq baǵdarlamasy aıasynda «SMEDA orta jáne shaǵyn kásipkerlikti damytý jónindegi agenttiktiń» qoǵamdyq qory kásipkerlik jáne ónerkásip departamentiniń tapsyrysy boıynsha ww.smeda.kz. veb-saıtyn ashty.
Saıttyń ashylýy kásipkerlikti qoldaý qurylymdaryn damytý baǵdarlamasynyń ekinshi satysy bolyp tabylady. Bul baǵdarlamanyń bastapqy satysy - oblystyń barlyq aýdandarynda bıýjettik qarajattardyń esebinen bıznes ınkýbatorlar jasaý jolymen tabysty ıgerilgen bolatyn.
10 jyl buryn (2005) Kókshetaý qalasynda qurylǵan birlesken Reseı-Qazaqstan kásipornynda, dálirek aıtqanda «Qazaqstan ınjınırıng» ulttyq kompanııasy» aktsıonerlik qoǵamynda asa qysqa merzim ishinde jańa úlgidegi «KamAZ» avtokólikteriniń 100-i paıdalanýǵa berildi.
Kásiporynnyń jylyna 200 avtobýs, 1500 «KamAZ» avtomashınalaryn shyǵarýǵa múmkindigi bar. Búginde birlesken kásiporyn aýlasynan shyqqan júk kólikteri Almaty, Atyraý, Aqtóbe, Qaraǵandy óndiristik aımaqtarynda úlken suranysqa ıe.
9 jyl buryn (2006) qarashanyń 29-y men 30-y aralyǵynda Astanada «Qazaqstandyq astyq forýmy - 2006» atty halyqaralyq konferentsııa bolyp ótti.
9 jyl buryn (2006) Almatyda Qazaqstan Respýblıkasy Ulttyq kitaphanasynda Qazaqstandaǵy Pýshkın jylyna oraı «Sóıleıdi Pýshkın qazaqsha» atty respýblıkalyq konferentsııa bolyp ótti. Sharany uıymdastyrýshy - Qazaqstan Respýblıkasy Mádenıet jáne aqparat mınıstrliginiń Til komıteti. Onda uly orys aqynynyń qazaq ádebıetiniń klassıkteri Abaı, Shákárim, І.Jansúgirov, Á.Tájibaev pen Q. Bekhojınniń aýdarma týyndylarymen qatar jas-aqyn jazýshylardyń A.S.Pýshkınge arnalǵan shyǵarmalary qoıyldy.
8 jyl buryn (2007) Qyzylorda qalasyndaǵy «Araı» shaǵyn aýdanynyń bir kóshesine HІH ǵasyrdaǵy qazaq zııalysy, qoǵam qaıratkeri, sýretshi Serdáli Bekshoraulynyń atyna kóshe berildi. Kóshedegi birinshi úı qabyrǵasyna qoıylǵan eskertkish-taqtaǵa qaıratker ómiriniń qysqasha málimetteri berilgen.
8 jyl buryn (2007) Atyraýda Qazaqstannyń halyq jazýshysy, Qazaqstan Respýblıkasy Memlekettik syılyǵynyń laýreaty, fılologııa ǵylymdarynyń doktory, professor Zeınolla Qabdolovtyń murajaıy ashyldy.
Murajaı Zeınolla Qabdolov qurmetti professory bolǵan Halel Dosmuhamedov atyndaǵy memlekettik ýnıversıtetinde ornalasqan. Murajaıda jazýshynyń kitaptary, oqýlyqtary, kóptegen sýretteri, fotoalbomdary, tarıhı qujattary, epıstolıarlyq muralary, pýblıkatsııalary bar toptamalar jınaqtalǵan. Fotostendter jazýshynyń stýdenttik jyldary, ómir joly, shyǵarmashylyq ómirbaıany, qazaq ádebıeti men tiliniń damýyna zor úles qosqan uly ádebıetshiniń qalyptasýy jaıynda baıandaıdy.
8 jyl buryn (2007) Halel Dosmuhamedov atyndaǵy Atyraý memlekettik ýnıversıtetinde túrkitaný ortalyǵynyń saltanatty ashylý rásimi ótti.
Túrkitaný ortalyǵy Vashıngton ýnıversıtetimen birlese ashyldy. Ortalyqta qundy materıaldar jınaqtalǵan. Onda túrik jazýlarynyń eskertkishteri, kóne dáýirdegi tańbaly tastardyń nusqalary usynylǵan. Munda tildiń geneologııalyq shejiresi kórsetilgen.
Ortalyqta stýdentter barlyq qajetti bilim alýy úshin sabaqtar júrgiziledi. Sondaı-aq, munda úlken kitaphana jınaqtalǵan.
5 jyl buryn (20100 Óskemende Abaıdyń shyǵarmashylyq muralaryna arnalǵan dástúrli halyqaralyq tórtinshi ǵylymı-praktıkalyq konferentsııa ótti. Onyń aýtsqymynda Qazaqstanda jáne shetelderde belgili professor, fılosofııa ǵylymdarynyń doktory Evgenıı Grıgorevtiń «Abaı jáne Alash qozǵalysy» kitaby tanystyryldy.
5 jyl buryn (2010) QR Syrtqy ister mınıstrliginiń halyqaralyq aqparat komıteti EQYU Sammıti qonaqtaryna arnalǵan jolkórsetkish - «Edge» jýrnalyn shyǵardy.
5 jyl buryn (2010) Astanada EQYU sammıtiniń qarsańynda qazaqstandyq aǵylshyn tildi «The Astana Times» gazeti tanystyryldy.
5 jyl buryn (2010) Astanada 2009 jylǵy Qazaqstandaǵy halyq sanaǵynyń túpkilikti qorytyndysyna arnalǵan jınaq tanystyryldy.
5 jyl buryn (2010) Astanadaǵy ulttyq akademııalyq kitaphanada reseılik saıasattanýshy ıÝrıı Solozobov «EQYU-ǵa Qazaqstan tóraǵalyǵy: Senim. Dástúrl. Transparenttilik. Toleranttyq» kitabyn tanystyrdy.
5 jyl buryn (2010) Qazaqstan halqy Assambleıasynyń delegatsııasy Koreıa Respýblıkasynda jumys saparynda boldy.
5 jyl buryn (2010) Astanadaǵa EQYU Parlamenttik Assambleıasynyń tóraǵasy Petros Eftımıý bastaǵan delegatsııa EQYU PA bıýrosynyń otyrysyna jáne EQYU Sammıtiniń jumysyna qatysý úshin keldi.
4 jyl buryn (2011) Túrkııada Nevshehır provıntsııasynyń tórt týrıstik aýdanynyń qıylysynda «Qazaqstan» býlvary ashyldy.
4 jyl buryn (2011) Máskeýde Sheteldik ádebıet kitaphanasynda «Qazaqstan. Táýelsizdiktiń 20 jyly» fotokórmesi ashyldy.
3 jyl buryn (2012) Máskeý memleýkettik estrada teatrynyń sahnasynda T.Júrgenov atyndaǵy Qazaq ulttyq óner akademııasynyń jas talanttary óner kórsetti.
3 jyl buryn (2012) Petropavlda S.Muqanov atyndaǵy oblystyq ámbebap ǵylymı kitaphanada «Nursultan Nazarbaev: saıasatker adamnyń portreti» atty kitap kórmesi ashyldy.
2 jyl buryn (2013) Astana qalalardyń VI halyqaralyq baıqaýynda «TMD men EýrAzEQ úzdik qalasy» dıplomynyń ıegeri atandy.
Bir jyl buryn (2014) Pavlodar oblystyq kitaphanasynda ashylǵan «Elin súıgen, eli súıgen Elbasy» kitap kórmesine 400-den astam basylym qoıyldy. Olardyń ondaǵan tomy Memleket basshysynyń eńbekteri, júzdegen basylymdar qarapaıym otbasynan shyqqan Ult kóshbasshysynyń ómiri men qyzmeti jóninde baıandaıdy.
Bir jyl buryn (2014) Almatyda Qazaq sport jáne týrızm akademııasynda Shoqan Ýálıhanov atyndaǵy týrızm akademııasy ashyldy.
Bir jyl buryn (2014) Eýrazııa ulttyq ýnıversıtetinde «Nursultan Nazarbaev - ıadrolyq qarýǵa qarsy qozǵalystyń kóshbasshysy» derekti kórmesi ashyldy.
ESІMDER
10 6 jyl buryn (1909-1985) ǵalym, aýyl sharýashylyǵy ǵylymdarynyń kandıdaty ǴALIAQBEROV Najıb Zakıruly dúnıege kelgen.
Petropavl qalasynda týǵan. Almaty zootehnıkalyq-mal dárigerlik ınstıtýtyn bitirgen. 1934-1951 jyldary Qazaq mal ósirý ǵylymı-zertteý ınstıtýtynda aǵa ǵylymı qyzmetker, bólim meńgerýshisi, dırektordyń ǵylymı jumystar jónindegi orynbasary, 1951-1964 jyldary Búkilodaqtyq aýyl sharýashylyǵy akademııasynyń qazaq fılıalynda sektor meńgerýshisi, 1964 jyldan ómiriniń sońyna deıin Qazaq KSR Aýyl sharýashylyǵy mınıstrliginde bólim bastyǵy qyzmetterin atqardy. Qazaqtyń sıyry men kalmaqtyń gerefordtyq buqasyn býdandastyrý arqyly et alýǵa baǵyttalǵan «Kazaqtyń aqbas sıyryn» shyǵarǵany (1930-1950) úshin bir top ǵalymdarmen birge KSRO Memlekettik syılyǵyn aldy.
3 ret «Qurmet belgisi» ordenimen marapattalǵan.
10 6 jyl buryn (1909-1986) ǵalym, hırýrg-ortoped, medıtsına ǵylymynyń doktory, Qazaqstannyń eńbek sińirgen dárigeri ORAZAQOV Estóre Orazaquly dúnıege kelgen.
Mańǵystaý oblysynyń Shetpe aýylynda týǵan. Qazaq medıtsına ınstıtýtyn bitirgen. 1936-1953 jyldary - Ońtústik Qazaqstan, Almaty oblystarynda dáriger. 1953-1980 jyldary Qazaq klınıkalyq jáne eksperımenttik hırýrgııa ǵylymı-zerttteý ınstıtýtynda aǵa ǵylymı qyzmetker, dırektordyń ǵylymı jumystar jónindegi orynbasary, ǵylymı konsýltant boldy.
Negizgi ǵylymı eńbekteri ishten týa bitken ortopedııalyq aýrýlardy emdeý máselesine arnalǵan. Ol reslýblıkada balalar ortopedııasynyń negizin saldy. Polıomıelıt, júıke júıesi aýrýlaryna shaldyqqan, jaraqattanǵan balalardy saýyqtyrý júıesin jasap, gıps ornyna «Kollosılıkat» qospasyn usyndy.
6 7 jyl buryn (1948) akter, Qazaqstannyń eńbek sińirgen ártisi, «Jiger» shyǵarmashylyq jastar festıvali syılyǵynyń, Qazaqstan Memlekettik syılyǵynyń, Abaıdyń 150 jyldyǵyna arnalǵan respýblıkalyq baıqaýdyń arnaıy júldesiniń ıegeri JUMABEKOV Keńes Narymbaıuly dúnıege keldi.
Batys Qazaqstan oblysynyń Terekti aýdanynda týǵan. Qazaq akademııalyq drama teatry janyndaǵy stýdııany bitirgen. Sol kezden bastap Qaraǵandy drama teatrynyń sahnasynda óner kórsetken. Ol Ǵ.Músirepovtyń «Qozy Kórpesh - Baıan sulýynda» Qozy, Jantyq, M.Áýezovtiń «Eńlik - Kebegi» men «Qaragózinde» Japal, Narsha, O.Bókeıdiń «Qulynym menińinde» Jan, A.Sataevtyń «Jas qaıraty elimnińinde» Ǵanı, M.Kárimniń «Aı tutylǵan túninde» Aqjigit, Ý.Shekspırdiń «Makbetinde» Malkom, S.Júnisovtiń «Óliarasynda» Lenın, t.b. rólderdi oınaǵan. Jumabekov dramatýrg retinde de tanymal. «Zamana netken tar ediń», «Qaz daýysty Qazybek», «Ata paryzy», t.b. pesalary Qaraǵandy, Batys Qazaqstan oblystyq teatrlarynda qoıylǵan.
6 5 jyl buryn (1950) tehnıka ǵylymdarynyń doktory, professor, «Azımýt enerdjı Servısez» aktsıonerlik qoǵamy dırektorlar keńesiniń tóraǵasy ELAMANOV Bolat Daldauly dúnıege keldi.
Qostanaı oblysynda týǵan. Qazaq polıtehnıkalyq ınstıtýtyn, Qazaq memlekettik basqarý akademııasyn bitirgen.
1973-1979 jyldary - Ortalyq normatıvtik zertteý stansasynyń ınjeneri, aǵa ınjeneri, «Embimunaı» óndiristik birlestiginiń ınjener-tehnology, «Jaıyqmunaı» munaı jáne gaz basqarmasynyń aýysym bastyǵy, aǵa tehnology. 1979-1985 jyldary - «Qulsarymunaı» munaı jáne gaz óndirý basqarmasy bastyǵynyń orynbasary. 1985-1988 jyldary - «Teńizmunaı» munaı jáne gaz óndirý basqarmasynyń bastyǵy. 1988-1991 jyldary - Qazaqstan kommýnıstik partııasy Embi aýdandyq partııa komıtetiniń birinshi hatshysy. 1991-1995 jyldary - «Qazaqstanmunaıgaz» korporatsııasynyń prezıdenti, Qazaqstan Respýblıkasy Munaı jáne gaz ónerkásibi mınıstriniń birinshi orynbasary. 1995-1998 jyldary - Qazaqstan Respýblıkasy Mınıstrler komıteti janyndaǵy sheteldik kapıtaldy paıdalaný jónindegi komıtettiń tóraǵasy. Qazaqstan Respýblıkasy Ekonomıka, ındýstrııa jáne saýda mınıstrligi Munaı jáne gaz departamentiniń dırektory. 1998-2002 jyldary - Qazaqstan Respýblıkasy Investıtsııalar jónindegi memlekettik komıtetiniń dırektory, Qazaqstan Respýblıkasy Energetıka jáne mıneraldyq resýrstar mınıstriniń birinshi orynbasary qyzmetterin atqarǵan. 2002 jyldan bastap - qazirgi qyzmetinde.
Qazaq KSR Memlekettik syılyǵynyń laýreaty, Jer qoınaýyn qurmetti barlaýshy. «Qurmet» ordenimen, medaldarmen marapattalǵan.
6 1 jyl buryn (1954) «QazAgroInnovatsııa» AQ «Qazaq eginshilik jáne ósimdik sharýashylyǵy ǵylymı-zertteý ınstıtýty» JShS bas dırektory KENENBAEV Serik Barmenbekuly dúnıege keldi.
Jambyl oblysynda týǵan. Qazaq aýyl sharýashylyǵy ınstıtýtyn bitirgen. 1977-1978 jyldary - «Qazgıprozem» ınstıtýtynyń ınjener-topyraqtanýshysy. 1978-1981 jyldary - «Qazaq eginshilik ǴZI aspıranty. 1981-2003 jyldary - eginshilik jáne ósimdik sharýashylyǵy ǴZI kishi, aǵa ǵylymı qyzmpetkeri, aeroekologııa zerthanasynyń meńgerýshisi, ǵalym-hatshysy, eginshilik jáne ósimdik sharýashylyǵy ǵylymı-óndiristik ortalyǵy dırektorynyń orynbasary. 2003-2004 jyldary - Qazaq kartop jáne kókónis sharýashylyǵy ǴZI dırektory. 2004-2010 jyldary - Qazaq eginshilik jáne ósimdik sharýashylyǵy ǴZI bas dırektory. 2010-2012 jyldary - «QazAgroInnovatsııa» AQ prezıdenti.
Qazirgi qyzmetinde - 2012 jylǵy jeltoqsannan beri.
I.I.Sınıagın atyndaǵy medalmen, A.I.Baraev atyndaǵy eskertkish medalmen marapattalǵan.
5 8 jyl buryn (1957) Jambyl oblysynan QR parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi JOLDASBAEV Muratbaı Smataıuly dúnıege keldi.
Jambyl oblysy Qyzyljar aýdanynyń Qyzyl Oktıabr aýylynda týǵan. V.P. Gorıachkın atyndaǵy Máskeý aýyl sharýashylyǵy óndirisiniń ınjenerleri ınstıtýtynyń «Aýyl sharýashylyǵyn mehanıkalandyrý» fakýltetin bitirgen (1981), ınjener- mehanık. Qazaq jáne orys tilderin biledi. «Nur Otan» HDP múshesi. 1975 jyldan -Jambyl oblysy Qyzyljar aýdany «Qyzyl oktıabr» ujymsharynyń jumysshysy. 1976 jyldan - V.P. Gorıachkın atyndaǵy Máskeý aýyl sharýashylyǵy óndirisiniń ınjenerleri ınstıtýtynyń stýdenti. 1981 jyldan - Jambyl oblysy Qyzyljar aýdany «Jańa Turmys» keńsharynyń baqylaýshy mehanıgi; 1982 jyldan - bas ınjeneri.1992 - 2007 jyldary - «Sarybulaq» keńsharynyń dırektory, «Sarybulaq» AAQ prezıdenti, Jambyl oblysyQordaı aýdany «Sarybulaq» JShS prezıdenti. 2003 jyldan - «KAZEXIM group» JShS dırektorynyń orynbasary, «Maıs Agro» JShS dırektory (Apmaty q.). 2006 jyldan - «Maıs Agro» JShS dıroktorynyń agrarlyq saıasat jónindegi, óndiris jónindegi orynbasary, bas dırektorynyń birinshi orynbasary. 2007 jyldan - Jambyl oblysy Qordaı aýdanynyń ákimi. 2009 -2014 jyldary - Jambyl oblysy ákiminiń orynbasary. Qazirgi qyzmetinde 2014 jylǵy qazan aıynan beri. «Qurmet» ordenimen (1999), «Astana» medalimen marapattalǵan.
5 5 jyl buryn (1960) Qazaqstan Respýblıkasynyń Izraıl Memleketindegi Tótenshe jáne Ókiletti elshisi QÝANYShEV Dýlat Orazbekuly dúnıege keldi.
Aqmola oblysy Atbasar aýdanynda týǵan. P.Lýmýmba atyndaǵy Halyqtar dostyǵy ýnıversıtetin bitirgen.
1991-1992 jyldary - Qazaqstannyń Reseıdegi Ókiletti ókildiginiń keńesshisi. 1991 jyldan Túrkııadaǵy elshiliktiń úshinshi hatshysy. 1994 jyly Qazaqstan Respýblıkasy Syrtqy ister mınıstrligi Saıası taldaý jáne josparlaý basqarmasynyń keńesshisi. 1994-1996 jyldary - Qazaqstan Respýblıkasy Prezıdentiniń baspasóz hatshysy - baspasóz qyzmetiniń jetekshisi. 1996-1997 jyldary - Qazaqstan Respýblıkasy Prezıdentiniń birinshi kómekshisiniń keńesshisi. 1997-1999 jyldary - Jarnama jáne úılestirý dırektsııasynyń jetekshisi. 1999 jyly Qazaqstan Respýblıkasy Investıtsııa jónindegi agentiginiń dırektory, tóraǵasynyń orynbasary. 2001-2003 jyldary - Qazaqstan Respýblıkasy Syrtqy ister vıtse-mınıstri. 2003-2005 jyldary - Qazaqstan Respýblıkasynyń Frantsııadaǵy Tótenshe jáne Ókiletti elshisi. 2005-2007 jyldary - Qazaqstan Respýblıkasynyń Avstrııadaǵy Tótenshe jáne Ókiletti elshisi, Venadaǵy halyqaralyq uıymdardaǵy Qazaqstan Respýblıkasynyń turaqty ókili. 2007-2010 jyldary - Qazaqstan Respýblıkasy Syrtqy ister mınıstrliginiń erekshe tapsyrmalar jónindegi elshisi qyzmetterin atqarǵan. 2010-2014 jyldary - Qazaqstan Respýblıkasynyń Úndistandaǵy Tótenshe jáne Ókiletti elshisi, QR-nyń Shrı-Lanka Demokratııalyq Sotsıalıstik Respýblıkasyndaǵy Tótenshe jáne Ókiletti elshisi qyzmetin qosa atqarýshy. Tórt medalmen marapattalǵan. Frantsııa Ulttyq ordeniniń ıegeri.
5 2 jyl buryn (1963) Aqtóbe oblysy Hromtaý aýdanynyń ákimi OSMANǴALIEV Aıazbaı Qaıyrǵalıuly dúnıege keldi.
Batys Qazaqstan oblysy, Shyńǵyrlaý aýdany, Shilik aýylynda dúnıege kelgen. 1982-1984 jyldar aralyǵynda Batys Qazaqstan aýylsharýashylyq ınstıtýtyn aýyl sharýashylyǵy óndirisin uıymdastyrýshy-ekonomıst mamandyǵy boıynsha bitirgen. 1989-1994 jyldary Alǵa aýdany «Saryqobda» sovhozynda ekonomıst, bas ekonomıst. 1995-1997 jyldary - Chernovod saýda kásiporynyń dırektory. 1997-2001 jyldary - Jańa Áljan un-jarma kombınatynda qarjy-taldaý bóliminiń qarjy, saýda dırektory. 2001-2005 jyldary Aqtóbe oblystyq kólik basqarmasynda kólik sapasyn baqylaý jáne jumysqa qabyldaý bóliminiń bastyǵy, kólik ınfraqurylymyn damytý komıteti bastyǵynyń orynbasary. 2005 jyldan - Aqtóbe oblystyq avtomobıl joldary departamentiniń dırektory. Qazirgi qyzmetinde - 2010 jylǵy qańtardan beri.
5 1 jyl buryn (1964) «Qazkommertsbank» AQ dırektorlar keńesiniń tóraǵasy SUBHANBERDIN Nurjan Sálkenuly dúnıege keldi.
Almaty qalasy týǵan. 1989 j. M.V. Lomonosov atyndaǵy MMÝ-di bitirgen, saıası ekonomııa. 1989-90 jj. - QazKSR ǴA Ekonomıka ınstıtýtynyń aspıranty. 1990-91 jj. - «Medeý-bank» kommertsııalyq bankiniń bólim bastyǵy. 1991-93 jj. - «Qazkommertsbank» AAQ Basqarma tóraǵasynyń 1-shi orynbasary. 1993-2002 jj. - «Qazkommertsbank» AAQ Basqarma tóraǵasy. 2002 jyldan - «Qazkommertsbank» AQ Dırektorlar keńesiniń tóraǵasy.
«Menshikti memleket ıeligine alý men jekeshelendirýdiń ekonomıkalyq negizderi jáne saıasaty» kitaby avtorlarynyń biri. «Qus joly» qaıyrymdylyq qory qamqorshylyq keńesiniń múshesi. Davostyq Búkilálemdik ekonomıkalyq Forým 2001 j. oǵan Global Leader Tomorrow ataǵyn berip, XXI ǵasyrdyń 100 anaǵurlym bolashaǵy zor jas kóshbasshylary qatarynda atady. «Qurmet» ordenimen marapattalǵan.
4 9 jyl buryn (1966) keńestik jáne reseılik teatr jáne kınol akteri, eki márte RF Memlekettik syılyǵynyń laýreaty MIRONOV Evgenıı Vıtalevıch dúnıege keldi.
4 4 jyl buryn (1971) Qazaqstan Respýblıkasynyń Qarjy mınıstri SULTANOV Baqyt Turlyhanuly dúnıege keldi.
Almaty qalasynda dúnıege keldi. 1994 jyly Qazaq ulttyq tehnıkalyq ýnıversıtetin «Robototehnıkalyq keshender jáne júıeler» mamandyǵy boıynsha úzdik bitirdi. 1995 jyly Qazaq memlekettik basqarý akademııasyn «Bıznes jáne menedjment» mamandyǵy boıynsha bitirdi. 1994 jyly Qazaqstan Respýblıkasy Qarjy mınıstrligi Qarjy naryǵynyń baǵaly qaǵazdar basqarmasynyń aktsıonerleý jáne lıtsenzııalaý bólimine jetekshi maman bolyp jumysqa turdy. Qarjy mınıstrliginde bólim bastyǵy (1995 j.), basqarma bastyǵynyń orynbasary (1996 j.), Bıýdjet departamenti dırektorynyń orynbasary (1997 j.), Memlekettik satyp alý jónindegi departament dırektory (1998 j.), Qazynashylyq departamenti dırektorynyń orynbasary (1999 j.), Bıýdjet departamenti dırektorynyń orynbasary (2001 j.), Memlekettik bıýdjet departamentiniń dırektory (2002 j.) qyzmetin atqardy. 2002 jylǵy qyrkúıekten bastap 2003 jylǵy maýsymǵa deıin Qazaqstan Respýblıkasy ekonomıka jáne bıýdjettik josparlaý mınıstrligi bıýdjettik saıasat jáne josparlaý departamentiniń dırektory qyzmetin atqardy. 2003 jylǵy maýsymnan bastap 2006 jylǵy aqpanǵa deıin ekonomıka jáne bıýdjettik josparlaý mınıstrliginiń vıtse-mınıstri qyzmetine taǵaıyndaldy. 2006 jylǵy aqpannan bastap 2007 jylǵy qańtarǵa deıin Qazaqstan Respýblıkasy statıstıka agenttiginiń tóraǵasy bolyp qyzmet istedi. 2007 jylǵy qańtardan bastap - Qazaqstan Respýblıkasy Qarjy vıtse-mınıstri. 2007 jylǵy tamyzdan bastap - Qazaqstan Respýblıkasy ekonomıka jáne bıýdjettik josparlaý mınıstri. 2010 jylǵy naýryzdan bastap - Qazaqstan Respýblıkasy Prezıdentiniń kómekshisi. 2012 jylǵy qańtardan bastap - Qazaqstan Respýblıkasy Prezıdentiniń Ákimshiligi Basshysynyń orynbasary.2013-2014 jyldary - QR Premer-Mınıstriniń orynbasary - Qarjy mınıstri. Qazirgi qyzmetinde - 2014 jylǵy tamyzdan beri.
«Qurmet» ordenimen, medaldarmen marapattalǵan.
1 6 jyl buryn (1849-1945) aǵylshyn ǵalymy-elektrotehnık, alǵashqy elektr lampasyn oılap shyǵarǵan ónertapqysh Djon Ambroz FLEMING dúnıege keldi.
1 10 jyl buryn (1905-1995) orys jazýshysy TROEPOLЬSKII Gavrııl Nıkolaevıch dúnıege keldi.
8 3 jyl buryn (1932) frantsýz saıasatkeri, Frantsııanyń 22-shi prezıdenti Jak Rene ShIRAK dúnıege keldi.