29 qańtarda Qazaqstanda aıazdy kún raıy saqtalyp, keıbir jerlerde burqasyndy jel kúsheıedi - aýa raıy
ASTANA. 28 qańtar. QazAqparat - Kólemdi antıtsıklon Qazaqstan aýmaǵynyń kóptegen bóligine yqpalyn saqtaıdy, sondyqtan 29 qańtar kúni aıazdy kún raıy saqtalady, keıbir jerlerde burqasyny bar jel kúsheıedi.
Bul týraly Qazgıdrometke silteme jasaǵan TJM-niń baspasóz qyzmetinen habarlady.
Respýblıkanyń ońtústik, ońtústik-shyǵys bóligi atmosferalyq fronttardyń aımaǵynda qalady, olarmen birge jaýyn-shashyn, kóbinese qar, ekpindi jel, tuman, kóktaıǵaq kútiledi. Jambyl, Qyzylorda, mańǵystaý oblystarynyń keıbir jerlerinde tuman, kóktaıǵaq, jeldiń 15-20 m/s deıin kúsheıýi kútiledi.
Almaty oblysynyń keıbir jerlerinde tuman, kóktaıǵaq bolady.
Ońtústik Qazaqstan oblysynyń keıbir jerlerinde tuman bolyp, jeldiń 15-20 m/s-qa deıin kúsheıýi yqtımal.
Túnde Shyǵys Qazaqstan oblysynda, kúndiz Aqmola oblysynyń keıbir jerlerinde burqasyn, jeldiń 15-20 m/s-qa deıin kúsheıýi kútiledi.
Atyraý oblysynda, túnde Qaraǵandy oblysynda jel jyldamdyǵy 15-20 m/s-qa deıin kúsheıýi kútiledi.
Soltústik Qazaqstan oblysynda túnde jáne tańerteń keıbir jerlerde tuman túsip, kúndiz azdaǵan burqasyn bolady.
Jaqyn táýlikte respýblıkanyń ońtústigi men shyǵysynyń kóptegen ózenderinde sý deńgeıleriniń aýytqýy baıqalady. Almaty oblysyndaǵy taýlardyń tómengi ózenderinde jylymyq jáne jańbyrlarǵa baılanysty tasqyndardyń, betkeılik aǵyndar men jergilikti jerlerdiń tómendegi ýchaskelerin sý basýy múmkin. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeıdi.
