29 qańtar. Tulǵalar týǵan kún
Búgin, 29 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1965) Qazaqstan Respýblıkasy Aýyl sharýashylyǵy mınıstrligi Balyq sharýashylyǵy komıtetiniń tóraǵasy Serik Saǵıtjanuly SERMAǴAMBETOV dúnıege keldi.
Qyzylorda oblysynda týǵan.
Almaty halyq sharýashylyǵy ınstıtýtyn «ekonomıst» mamandyǵy boıynsha, L.N.Gýmılev atyndaǵy Eýrazııa ýnıversıtetin «Zańger» mamandyǵy boıynsha bitirgen.
Eńbek joly: 1988-1989 jyldary Almaty qalasy Balyq sharýashylyǵy mınıstrligi ortalyq materıaldyq-tehnıkalyq bazasynyń bas ekonomısi, 1989-1990 jyldary Aýyl sharýashylyǵy mınıstrligi «Qazrybhoz» OQO 1 sanatty mamany, 1990-1991 jyldary Qyzylorda balyq zaýytynyń ekonomıst-qarjygeri, halyq depýtattary Qyzylorda oblystyq Keńesiniń aǵa esepshisi, 1992-1998 jyldary Qyzylorda oblysy ákimi apparatynyń qarjy-ekonomıkalyq bóliminiń aǵa ınspektory, aǵa mamany, konsýltanty, 1999-2004 jyldary Qyzylorda qalasy ákimi apparatynyń qarjy-sharýashylyq basqarmasynyń basshysy.
\2005-2008 jyldary Qyzylorda qalasy ákimi apparatynyń basshysy, 2008-2009 jyldary Qyzylorda oblysy Shıeli aýdany ákiminiń orynbasary, 2009-2011 jyldary Qyzylorda oblysynyń kásipkerlik jáne ónerkásip basqarmasynyń basshysy, 2011-2014 jyldary Qyzylorda oblysy Jalaǵash aýdanynyń ákimi, «Baıqońyr» SPK UK AQ basqarma tóraǵasynyń orynbasary, 2014-2015 jyldary «A-Ser ı K» JShS basshysy, 2015-2018 jyldary Qyzylorda oblysy ákimi apparatynyń «Daǵdarys jaǵdaılaryndaǵy jumyldyrý jumysy jáne jedel taldaý ortalyǵy» kommýnaldyq memlekettik mekemesiniń dırektory, 2018-2021 jyldary «Qyzylorda oblystyq kásipodaqtar ortalyǵy» aýmaqtyq kásipodaqtar birlestiginiń tóraǵasy, 2021-2024 jyldary Qyzylorda oblysy Aral aýdanynyń ákimi qyzmetin atqardy.
42 jyl buryn (1984) «Taldaý jáne aqparat ortalyǵy» ekonomıkalyq basqarý quqyǵy bar respýblıkalyq memlekettik kásiporny dırektorynyń orynbasary Eldos Bıgeldiuly NAShYRÁLІ dúnıege keldi.
Jambyl oblysynda dúnıege kelgen. Taraz memlekettik pedagogıkalyq ýnıversıtetin (2005), Jańa Zelandııanyń Masseı ýnıversıtetin bitirgen, «Bolashaq» baǵdarlamasynyń túlegi (2009), memlekettik saıasat magıstri dárejesin alǵan.
Eńbek joly QR Mádenıet jáne aqparat mınıstrliginiń bas sarapshysy (2010-2012); QR Prezıdenti Ákimshiliginiń Іshki saıasat bóliminiń sarapshysy (2012); QR Prezıdenti Ákimshiliginiń baspasóz qyzmetiniń sarapshysy, keńesshisi, ınspektory (2012-2016); QR Aqparat jáne kommýnıkatsııalar mınıstrliginiń BAQ salasyndaǵy memlekettik saıasat departamentiniń dırektory (2016-2018); «Habar» agenttigi» AQ basqarýshy dırektory (2019-2021); «QazAqparat» halyqaralyq aqparat agenttigi» AQ basqarma tóraǵasynyń orynbasary (2021); «QazAqparat» halyqaralyq aqparat agenttigi» AQ basqarma tóraǵasy (2021-2022); «Qazkontent» AQ basqarma tóraǵasy (2022); Qazaqstan Respýblıkasy Aqparat jáne áleýmettik damý mınıstrliginiń Halyqaralyq yntymaqtastyq jáne hattama departamentiniń dırektory (2022-2023); QR Aqparat jáne áleýmettik damý mınıstrliginiń Aqparat komıtetiniń tóraǵasy (2023).
42 jyl buryn (1984) QR Prezıdenti Ákimshiliginiń Ótinishterdi qaraýdy baqylaý bólimi basshysynyń orynbasary Baqyt Amangeldiqyzy ESІMOVA dúnıege keldi.
Pavlodar oblysynda dúnıege kelgen. Sankt-Peterbýrg memlekettik ınjenerlik-ekonomıkalyq ýnıversıtetin bitirgen (2006, «Bolashaq» baǵdarlamasy boıynsha).
Eńbek joly: «Qazaqstan jastary kongresi» zańdy tulǵalar qaýymdastyǵynyń menedjeri, atqarýshy dırektor keńsesiniń basshysy (2006-2007); «Saýda saıasatyn damytý ortalyǵy» aktsıonerlik qoǵamynyń sarapshysy (2007-2008); Qazaqstan Respýblıkasy Memlekettik qyzmet isteri agenttiginiń strategııalyq josparlaý jáne qoǵammen baılanys bóliminiń basshysy (2008-2010); Aqmola oblysynyń jumyspen qamtýdy úılestirý jáne áleýmettik baǵdarlamalar departamenti basshysynyń orynbasary (2010-2011); Aqmola oblysynyń jumyspen qamtýdy úılestirý jáne áleýmettik baǵdarlamalar departamentiniń basshysy (2011-2013); Aqmola oblysy ákimi apparatynyń basshysy (2013-2015); «Astana qalasynyń Іshki saıasat departamenti» memlekettik mekemesiniń basshysy (2015-2020); Qostanaı oblysy ákiminiń orynbasary (2020-2022).
Qazirgi qyzmetin 2022 jyldyń mamyr aıynan beri atqaryp keledi.
96 jyl buryn (1930-1992) qoǵam jáne memleket qaıratkeri, ǵalym, ekonomıka ǵylymdarynyń kandıdaty, Qazaqstannyń eńbek sińirgen ekonomısi Sanjar Orazuly JANDOSOV dúnıege kelgen.
Almaty qalasynda týǵan. Ózbekstandaǵy Qoqan munaı tehnıkýmyn, Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti), SOKP OK janyndaǵy Qoǵamdyq Ǵylym Akademııasyn bitirgen.
Atyraý oblysyndaǵy Qosshaǵyl, Qulsary munaı óndirý kásipshilikterinde, Qazaq KSR josparlaý komıtetiniń ekonomısi, Almaty qalalyq partııa komıtetiniń nusqaýshysy, Almaty oblystyq partııa komıtetiniń nasıhattaý bóliminiń meńgerýshisi, Memlekettik tele-radıohabarlary komıteti tóraǵasynyń orynbasary, Qazaqstan KP OK nasıhat bólimi meńgerýshisiniń orynbasary, meńgerýshisi, Almaty qalalyq partııa komıtetiniń hatshysy, Qazaq KSR Memlekettik josparlaý komıteti janyndaǵy Ekonomıka ǵylymı-zertteý ınstıtýtynyń dırektory, Qazaqstan KP OK-niń ǵylym men oqý oryndary bóliminiń meńgerýshisi, Kásibı-tehnıkalyq bilim berý memlekettik komıtetiniń tóraǵasy, Shymkent oblystyq atqarý komıtetiniń tóraǵasy, Eńbek jóne áleýmettik máseleler jónindegi memlekettik komıteti tóraǵasy qyzmetterin atqarǵan.
Qazaq KSR-i Joǵarǵy Keńesi 3-shaqyrylym depýtaty, Qazaqstan kásipkerleri kongresiniń tuńǵysh prezıdenti, Qazaqstannyń demokratııalyq jańarýyna, respýblıka ekonomıkasynyń naryq qatynasyna aýysýyna jáne elimizde jeke kásipkerliktiń damýyna zor úlesin qosty.
«Prıntsıpy optımızatsıı regıonalnogo planırovanııa», «Sıstemnyı analız v regıonalnom planırovanıı», «Optımızatsııa otraslevyh ı regıonalnyh kompleksov Kazahstana» (birlesken avtorlyqta), «Ekonomıcheskıe problemy razmeşenııa selskogo hozıaıstva v Kazahstane» (birlesken avtorlyqta) atty kitaptardyń avtory. Eńbek Qyzyl Tý, «Qurmet Belgisi» ordenderimen marapattalǵan.