29 qańtar. Týǵan kún ıeleri
ESІMDER
60 jyl buryn (1959) QR Qorǵanys mınıstrligindegi uıymdastyrý-jumyldyrý departamentiniń basshysy Músilim Qadylbekuly DAIROV dúnıege keldi.
Shyǵys Qazaqstan oblysynda týǵan. Tıýmen joǵary áskerı ınjenerlik ýchılışesin (1980) bitirgen; V.V Kýıbyshev atyndaǵy áskerı-ınjerlik akademııasynyń túlegi (1991).
Aýǵanstandaǵy Keńes áskerleriniń shekteýli kontıngentinde qyzmet atqardy (1980-1984); Oral áskerı okrýginde komandalyq laýazymdarda boldy (1984-1988) ; 1991-1992 jyldary áskerı bólimniń komandıri; aǵa ofıtser. Qorǵanys mınıstrliginiń ınjenerlik áskerleriniń bastyǵy; Qazaqstan Respýblıkasy Qarýly Kúshteri Bas shtabynyń, Qazaqstan Respýblıkasy Qarýly kúshteriniń oq-dári arsenaldary bas basqarmasy bastyǵynyń orynbasary (2002-2004). Injenerlik áskerler bas basqarmasynyń bastyǵy; Arnaıy kúshter bóliminiń bastyǵy. Qazaqstan Respýblıkasy Qarýly Kúshteri Arnaıy áskerleri basqarmasynyń bastyǵy (2007-2012); Qazaqstan Respýblıkasy Qorǵanys mınıstrliginiń bas ınspektory. Ekinshi dárejeli «Dańq», «Qyzyl juldyz» ordenimen marapattalǵan.
43 jyl buryn (1976) QR Parlament Májilisi VI shaqyrylymynyń depýtaty Berik Serikuly OSPANOV dúnıege kelgen.
Ol Almaty oblysynda týǵan, 1997 jyly Qazaq memlekettik agrarlyq ýnıversıtetin «Agroónerkásip kesheni salalaryndaǵy basqarý jáne ekonomıka» mamandyǵy boıynsha bitirgen. 2006 jyly Ortalyq Azııa ýnıversıtetin «Quqyqtaný» mamandyǵy boıynsha aıaqtaǵan. Ekonomıka ǵylymdarynyń doktory. Eńbek jolyn 1997 jyly Myńbaev atyndaǵy tájirıbelik-óndiristik sharýashylyqtyń qoı sharýashylyǵy ǵylymı-zertteý tehnologııalyq ınstıtýtynda ekonomıst bolyp bastaǵan. 2001-2002 jyldary - Ekonomıka jáne agroónerkásip keshenin uıymdastyrý (EAÓK) jáne aýyldyq aýmaqtardy damytý (AAD) ǵylymı-zertteý ınstıtýtynda (ǴZI) aǵa ǵylymı qyzmetker. 2002-2003 jyldary - Qazaqstan Respýblıkasy Aýyl sharýashylyǵy mınıstrliginiń bólim bastyǵy. 2003-2004 jyldary - EAÓK jáne AAD ǴZI dırektorynyń ǵylym jónindegi orynbasary. 2004-2009 jyldary - Qazaqstan Respýblıkasynyń Aýyl sharýashylyǵy mınıstrligi AÓK damytý strategııasy departamentiniń dırektory. 2009 jyly - Qazaqstan Respýblıkasy Aýyl sharýashylyǵy mınıstrliginiń «QazAgroInnovatsııa» AQ prezıdenti. 2009-2015 jyldary - Ońtústik Qazaqstan oblysy ákiminiń birinshi orynbasary. 2015-2016 jyldary - «Nur Otan» partııasynyń Ońtústik Qazaqstan oblystyq fılıaly tóraǵasynyń birinshi orynbasary. 2016 jylǵy 24 naýryzdan bastap - altynshy saılanǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń partııalyq tizimi boıynsha saılanǵan, Qarjy jáne bıýdjet komıtetiniń múshesi.
Infraqurylymdy damytýdyń 2015-2019 jyldarǵa arnalǵan «Nurly jol» memlekettik baǵdarlamasyn iske asyrýǵa Qazaqstan Respýblıkasynyń Ulttyq qorynan bólinetin qarajattyń jáne bıýdjettik qarajattyń maqsatty jáne tıimdi jumsalýyn baqylaý jónindegi «Nur Otan» partııasynyń fraktsııasy janyndaǵy «Turǵyn úı kommýnaldyq sharýashylyq ınfraqurylymyn, sýmen jáne jylýmen jabdyqtaý jelilerin jańǵyrtý, turǵyn úı ınfraqurylymyn nyǵaıtý» baǵyty boıynsha komıssııasynyń tóraǵasy.
Qazirgi qyzmetinde 2016 jyldan beri. «Qurmet» ordenimen (2012) jáne «Tyńǵa 50 jyl» (2005), «Qazaqstan Respýblıkasynyń Konstıtýtsııasyna 10 jyl» (2011), «Qazaqstan Respýblıkasynyń Konstıtýtsııasyna 20 jyl» (2015) jáne «Oblysqa sińirgen eńbegi úshin» (2014) mereıtoılyq medaldarymen marapattalǵan.
35 jyl buryn (1984) Qazaqstan Respýblıkasy Aqparat jáne kommýnıkatsııalar mınıstrligi Buqaralyq aqparat quraldary salasyndaǵy memlekettik saıasat departamentiniń dırektory Eldos Bıgeldiuly NÁShІRÁLІ dúnıege keldi.
2005 jyly Taraz memlekettik pedogogıkalyq ýnıversıetin bitirgen. «Bolashaq» baǵdarlamasy boıynsha Messı ýnıversıtetiniń (Jańa Zelandııa) túlegi (2009).
Eńbek joly: Qazaqstan Respýblıkasy Mádenıet jáne aqparat mınıstrliginiń bas sarapshysy (2010-2012); Qazaqstan Respýblıkasy Prezıdenti Ákimshiliginiń Іshki saıasat bóliminiń sarapshysy (2012); Qazaqstan Respýblıkasy Prezıdenti Ákimshiligi Baspasóz qyzmetiniń ınspektory (2012-2016).
Qazirgi qyzmetinde 2016 jyldyń shildesinen bastap.