29 qańtar kúni elimizde bolatyn mańyzdy sharalar ańdatpasy
NUR-SULTAN
10.00-de QR Sybaılas jemqorlyqqa qarsy is-qımyl agenttiginiń 2020 jyldyń qorytyndysy boıynsha Alqa otyrysy ótedi. Іs-sharaǵa Prezıdent Ákimshiligi Basshysynyń orynbasary E.Jıenbaev, Nur-Sultan qalasy ákimi A.Kólginov pen Shymkent q. ákimi M.Aıtenov, QR tsıfrlyq damý, ınnovatsııalar jáne aeroǵarysh ónerkásibi mınıstri B.Mýsın, «Nur Otan» partııasynyń hatshysy A.Qyryqbaev, «Qazaqfılm» AQ prezıdenti A.Sataev, Nıderland Koroldiginiń Qazaqstandaǵy Tótenshe jáne ókiletti Elshisi A.Karstens, QR Parlamenti Májilisi men Senatynyń depýtattary, ortalyq memlekettik organdardyń, qoǵamdyq jáne úkimettik emes uıymdardyń ókilderi, Agenttiktiń jáne onyń aýmaqtyq organdarynyń basshy jáne jeke quramy (beınekonferentsbaılanys arqyly) qatysady. Onlaın-kórsetilimge silteme: youtube.com/c/AntıkorrýptsıonnaıaslýjbaRK/featured, https://www.facebook.com/anticorruption.kz.
10.00-de Qazaqstan Respýblıkasy Aqparat jáne qoǵamdyq damý mınıstrliginiń keńeıtilgen alqa otyrysy ótedi.
10.00-de Qazaqstan Respýblıkasy Ádilet mınıstrligi Qazaqstan Respýblıkasynyń Zańnama jáne quqyqtyq aqparat ınstıtýtymen birlesip, QR UǴA akademıgi, Eńbegi sińgen ǵylym qaıratkeri, zań ǵylymdarynyń doktory, professor S.Z. Zımanovtyń 100 jyldyǵyna arnalǵan «Akademık S.Z. Zımanov: ónegeli ómiri jáne ǵylymı jetistikteri» taqyrybynda halyqaralyq ǵylymı-praktıkalyq konferentsııa ótkizýdi josparlap otyr.
11.00-de Nursultan Nazarbaev Qorynyń janyndaǵy Álemdik ekonomıka jáne saıasat ınstıtýty Májilis saılaýynyń qorytyndysy men Qazaqstannyń partııalyq alańynyń damý baǵdaryn talqylaýǵa arnalǵan onlaın-konferentsııa ótkizedi.
19.30-da «Astana Balet» teatrynda «Şelkýnchık» qoıylymy bolady. Qoıylym Marıınskıı teatrynyń ártisteri Oksana Skorık pen Evgenııa Konovalovanyń qatysýymen ótedi.
