29 aqpan kúni respýblıkanyń basym bóliginde jel kúsheıip, kóktaıǵaq bolady
ASTANA. QazAqparat - 29 aqpan kúni respýblıkanyń basym bóliginde jaýyn-shashynsyz aýa raıy saqtalady, tek respýblıkanyń batys, soltústik-batys jáne ortalyǵynda frontaldy bólikterdiń ótýine baılanysty, keı jerlerinde jaýyn-shashyn jaýady. Bul týraly «Qazgıdromet» habarlady.
Respýblıka boıynsha keı jerlerde tuman, kóktaıǵaq, jeldiń kúsheıýi kútiledi. Almaty oblysynyń Jalańashkól aýdanynda jel 18-23 m/s kúsheıedi. Aqmola, Soltústik Qazaqstan oblystarynyń keı jerlerinde tuman, kóktaıǵaq, jaıaý burqasyn kútiledi, túnde keı jerlerinde jel 15-20 m/s kúsheıedi. Qostanaı oblysynyń keı jerlerinde tuman, kótaıǵaq, jeldiń 15-20 m/s kúsheıýi kútiledi. Jambyl oblysynyń keı jerlerinde jel 15-20 m/s deıin kúsheıip, túnde keı jerlerinde tuman baqylanady. Aqtóbe, Qaraǵandy oblystarynyń keı jerlerinde tuman, kóktaıǵaq kútiledi. Qyzylorda, Mańǵystaý, Atyraý, Batys Qazaqstan, Shyǵys Qazaqstan, túnde Pavlodar oblystarynyń keı jerlerinde tuman kútiledi.
